Галандскую аўчарку закупляюць у вайсковую частку 2044 органаў памежнай службы ў Смаргоні. Пра гэта стала вядома з сайта дзяржзакупак. Кошт закупкі - 8 600 BYN.
У частку шукаюць галандскую аўчарку (хердар) ва ўзросце ад васьмі месяцаў, пол — сука. Афарбоўка можа быць чорнай з палосамі або тыгровай, адпаведная стандарту пароды. Сабака павінен быць сацыялізаваным для дома, горада, жывёл, тэхнікі.
Таксама ён павінен валодаць прыроджанымі ахоўнымі, харчовымі і гульнявымі інстынктамі. Ён павінен пасаваць для племянной працы і выставачнай кар’еры. Сабаку купяць з радаводам і адпаведнымі для ўзросту прышчэпкамі.
Купяць сабаку да 18 верасня. Крыніца фінансавання — спонсарская дапамога, адкуль менавіта — не ўдакладняецца. Разгледзяць прапановы ў рамках конкурсу.
Перад купляй сабака 14 дзён пратэстуюць і правераць яго здароўе. У выпадку праблем яго заменяць. У выпадку смерці сабакі падчас тэставання, пакупнік пакрые яе поўны кошт, калі прычынай смерці сталі дзеянні пакупніка.
На Гродзенскай рэгіянальнай мытні таксама працуе кіналагічны аддзел — з сямі чалавек і васьмі сабак. Лабрадоры, аўчаркі і кокер-спаніэль служаць у пунктах пропуску разам са сваімі гаспадарамі-кінолагамі. Пра гэта Hrodna.life пісаў раней.
Чытайце таксама: С отдельными кабинетами и служебным автомобилем. Как живут и работают собаки Гродненской таможни
