"Гродна Азот". Фота: Hrodna.life
Каля 22:00 2 верасня пры планавым абыходзе выявілі расколіну на пераходным конусе пад’ёмнай трубы 12 шэрагу печы рыформінгу. Была ўцечка газы, паведамілі 3 верасня ў карпаратыўным выданні прадпрыемства «Гродзенскі хімік».
Неадкладна прынялі меры бяспекі - падвялі азот, забяспечылі аналізы паветра ў зоне пропуску з дапамогай пераноснага газааналізатара.
Улетку 2021 года пазапланава спынялі цэх азотнай кіслаты цэха азотнай кіслаты і карбамідна-аміячнай сумесі (АКіКАС) — 4 жніўня и 7 ліпеня.
Аб аварыйнай сітуацыі на «Аміяк-3» вечарам 2 верасня паведаміў Telegram-канал, блізкі да прадпрыемства. «Цяпер утварыўся моцны пропуск парагазавай сумесі з 40% вадароду і 10% метану ў адной з пад’ёмных труб печы першаснага рыформінгу! Тэмпература сумесі 820 °C, ціск каля 3 МПа!
Сур’ёзная штука, але ў рэжыме сакрэтнасці цэх спыняць забаранілі, пры гэтым персаналу забаранілі хадзіць побач па аднаму (з-за існуючай пагрозы жыццю), хочуць дацягнуць да планавага спынення … Але састарэлае абсталяванне не згодна з такімі ўказаннямі і расколіна разышлася яшчэ больш, ужо ¼ трубы разрэзаныя", — напісалі ў канале.
3 верасня тэхнічныя службы вырашылі далей эксплуатаваць печ пры выкананні дадатковых тэхнічных мер бяспекі і кантролю. Пагрозы гораду, экалогіі, жыхарам горада і работнікам прадпрыемства няма, паведамілі ў карпаратыўным выданні.
Падчас планавага спынення цэха з 10 верасня дэфектны вузел адрамантуюць.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…