Новости

У Шчучыне судзяць гродзенскага блогера Vadimati

18 жніўня ў Шчучыне судзяць блогера Вадзіма Ермашука. Яго абвінавачваюць на ст. 24.23 КаАП «Парушэнне парадку арганізацыі або правядзення масавых мерапрыемстваў».

Абноўлена ў 18.40. Суд над блогерам працягнецца 19 жніўня ў 9.00. Яго абвінавачваюць у тым, што ён заклікаў людзей на «масавае спартыўнае мерапрыемства». Судзіць яго Дзмітрый Ціунчык. Раней ён судзіў члена ініцыятыўнай групы Ціханоўскага і вёў справу аб парнаграфіі ў Гродна. Па справе праходзяць сведкамі тры чалавекі: Ульяна Ляскевіч і двое хлопцаў, якія былі на скейт-пляцоўцы, калі туды прыехаў Вадзім. Адзін з хлопцаў не з’явіўся, другі сказаў, што яго нікуды не клікалі, а блогера ён не ведае.

Вадзім трымаецца бадзёра, распавяла Ульяна. Ён перадаваў усім прывітанне.

Увесь час да 17.30, пакуль гродзенцы чакалі блогера з суда, над імі кружыў дрон, а з аўтамабіля без нумароў гралі вайсковыя песні. У нейкі момант да групы дзяўчат падышоў чалавек, падобны на сілавіка, і паказаў пост са скрінамі відэа інтымнага характару ў адным з Telegram-каналаў, у якім нібыта ёсць блогер. Мужчына пацікавіўся, што прысутныя аб ім думаюць. Таксама каля банка ў той дзень дзяжурыла яго супрацоўніца. Яна сказала, што яе аб гэтым папрасілі з-за вялікай колькасці людзей.

Таксама стала вядома, што аднаго хлопца з тых, хто хацеў паехаць на суд, затрымалі на выездзе з Гродна і адвезлі ў Кастрычніцкі РАУС. Ён ужо на свабодзе.

Падтрымка і міліцыя

Падтрымаць Вадзіма прыехала каля 40 гродзенцаў. Па шляху каля Шчучына яны заўважылі пасты ДАІ - невядома, ці было гэта звязана з судом. Каля будынкаў суда і РАУСа, якія знаходзяцца па суседстве, дзяжурыў чалавек у цывільным, падобны на сілавіка. Некалькі міліцыянтаў сачылі за гродзенцамі з аўтамабіляў. Над людзьмі зверху лётаў робат — верагодна, міліцэйскі.

У судзе Шчучынскага раёна ў наведвальнікаў перапісалі пашпартныя звесткі. Праз паўгадзіны высветлілася, што судзяць Вадзіма на выязным судовым пасяджэнні ў будынку РАУС. Туды прапусцілі толькі адваката і сведку па справе Ульяну Ляскевіч. Прычына — «закрыты рэжым, вас не прапусцяць, калі не выклікалі».

Раней гэтак жа праходзіў выязны суд над гаспадыняй крамы «Адметнасць» Вольгай Верамеенкай. Фактычна, такія абмежаванні робяць судовае пасяджэнне закрытым. Людзі неўзабаве сышлі ад адміністрацыйных будынкаў у парк.

Шчучын, 17 жніўня. Фота: Hrodna.life

Вадзіма Ермашука затрымалі 16 жніўня і даставілі ў Шчучынскі РАУС. У Шчучын ён паехаў здымаць відэа пра скейт-пляцоўку. Двух яго памочніц апыталі і адпусцілі. Увечары 17 жніўня ў яго адбыўся ператрус ці агляд. Суд перанеслі на 15.00 18 жніўня.

Чытайце таксама:

Хто такі Vadimati

Вадзім Ермашук — Instagram-блогер і прадавец на рынку «Карона». Актыўна займаецца рэкламай мясцовага бізнесу. 27 кастрычніка 2020 года яго асудзілі на штраф у 20 базавых велічынь (тады — 540 рублёў) у судзе Кастрычніцкага раёна за марш гродзенцаў 30 жніўня. Вадзім выказваўся супраць гвалту, падтрымліваў палітвязняў і наведваў суды па «палітычных» працэсах. Называе сябе «народным дэпутатам» і здымае ў гэтым вобразе відэа.

Чытайце таксама:

Падзяліцца

Апошнія запісы

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам у 60 метрах ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025