Ірына Новік. Фота: Hrodna.life
Пастанову суда Ленінскага раёна аб штрафе Ірыны Новік адмянілі. Справу разгледзіць у тым жа судзе іншы суддзя. Такі ліст прыйшоў Ірыне Новік 20 ліпеня з Гродзенскага абласнога суда.
«Пастанову суддзі нельга прызнаць законнай, яна падлягае адмене, а справа — накіраванню на новы разгляд», — сказана ў лісце за подпісам суддзі Гродзенскага абласнога суда Віктара Сянько.
Ірына ў скарзе не адмаўляла, што размясціла фота з лагатыпам канала, прызнанага экстрэмісцкім. Але яна адзначыла, што суддзя парушыў яе права на абарону: за дзве гадзіны да суда яе адвакат накіравала ў суд хадайніцтва аб удзеле ў працэсе, але яе не запрасілі на пасяджэнне. Акрамя таго, суддзя прызначыла строгае спагнанне, не ўлічыла нізкі памер яе зарабатнай платы, стан здароўя, час, праведзены ў ІЧУ да разгляду справы, лічыць Ірына.
Суддзя з ёй пагадзіўся. На яго думку, недапушчэнне адваката — гэта істотнае парушэнне нормаў Працэсуальна-выканаўчага кодэкса аб адміністрацыйных правапарушэннях. Таму пастанову суда варта адмяніць.
Рэдактарку спецпраектаў Hrodna.life Ірыну Новік затрымалі 1 чэрвеня. 3 чэрвеня яе асудзілі на 25 базавых велічынь (725 рублёў) па адміністратыўнай справе нібыта за распаўсюд экстрэмісцкіх матэрыялаў. Да суда яна знаходзілася ў ІЧУ. Ёй забаранялі сядзець у дзённы час, яна нічога не ела.
Рэдакцыі ж пазней прысудзілі другі штраф па гэтай жа справе. Цяпер ён максімальна магчымы — 14 500 рублёў.
Чытайце таксама: Под сакурой и с принцессой. Ирина Новик — о гродненской тюрьме и «лечебном» голодании на сутках
Першы суд за распаўсюд экстрэмісцкіх матэрыялаў адбыўся 19 сакавіка. Тады суд Ленінскага раёна прысудзіў рэдактару Hrodna.life Аляксею Шоту штраф у 400 базавых велічынь (11 600 рублёў) — як прадстаўніку арганізацыі - і 25 базавых велічынь (725 рублёў) — як фізічнай асобе. Гродзенскі абласны суд 26 красавіка пакінуў у сіле рашэнне раённага. Выплаціць штраф у 11 600 рублёў у растэрміноўку на шэсць месяцаў рэдакцыі не дазволілі.
18 чэрвеня Hrodna.life прысудзілі другі штраф. Цяпер ён максімальна магчымы — 14 500 рублёў. У рэдакцыі ёсць яшчэ некалькі тыдняў, каб выплаціць яго. Таксама 20 чэрвеня рэдактар атрымаў папярэджанне ад пракурора Гродна Уладзіміра Клішына.
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…