Гродзенскія ўлады з дапамогай інвестараў плануюць аднавіць два страчаных будынка на вуліцы Вялікай Траецкай каля сінагогі. Аднаўленне павінна быць аўтэнтычным, з улікам фотаздымкаў, якія захаваліся, перадае Вечерний Гродно.
Два ўчасткі пад будаўніцтва ўлады плануюць выставіць на таргі. Гэта тэрыторыя каля адрэстаўраванага летась будынка на Вялікай Траецкай, 57. Паводле ўмоваў гарвыканкама фасады будынкаў павінны быць выкананы ў стылістыкі цаглянай архітэктуры. У пабудове павінны выкарыстоўвацца традыцыйныя і трывалыя будматэрыялаў.
Адзін з будынкаў будзе двухпавярховы. Там можа з’явіцца гатэль, офісы, медычны цэнтр альбо гандлёвыя аб’екты. Суседні будынак будзе вышэйшы: да 3-х паверхаў з мансардай. У ім плануецца зрабіць турыстычны комплекс: гатэль са СПА, грамадскім харчаваннем і іншымі аздараўляльнымі паслугамі. На тэрыторыі вакол будынкаў павінна быць створана зялёная зона.
Дата правядзення аўкцыёна пакуль не вядома.
Яўрэйскі квартал пачаў фарміравацца ў 16 ст. каля Вялікай сінагогі. Да першай паловы 19 ст. гэта быў раён хаатычнай драўлянай забудовы паміж вуліцамі Крывой і Школьнай жыдоўскай. З-за высокай шчыльнасці там часта здараліся пажары.
Самы моцны пажар адбыўся ў 1837 г. — згарэла некалькі дзясяткаў дамоў. На знішчаным пажарам месцы ў 1838 г. губернскія ўлады вырашылі зрабіць гандлёвую плошчу, якая цягам некалькіх дзесяцігоддзяў так і называлася — «Школьны двор». Затым, прыкладна з 1880-х, яе называлі «Рыбная плошча», а ў міжваенны час — «Мясны рынак».
Будынкі, якія прапануюць аднавіць гродзенскія ўлады, былі часткай «Школьнага двара».
Чытайце таксама:
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…