Агнешка Рамашэўска: здароўе Анжалікі Борыс пагоршылася, яна згадзілася на выезд у Польшчу

У кіраўніцы непрызнанага ўладамі Беларусі Саюзу палякаў Анжалікі Борыс у жодзінскай турме абвастрыліся сімптомы захворвання, якое яна лячыла раней, з’явіліся сур’ёзныя праблемы з зубамі. Пра гэта паведаміла ў Facebook Агнешка Рамашэўска, дырэктарка аднаго з польскіх тэлеканалаў.

Таксама паводле яе асабістых звестак, у сувязі з пагаршэннем здароўя Анжаліка Борыс нарэшце пагадзілася на выезд у Польшчу, які ёй прапаноўвалі. Раней яна, як і Анджэй Пачобут, адмаўлялася ад прапановы пакінуць Беларусь.

«Але беларускія ўлады прыпынілі яго [выезд], спрабуючы такім спосабам шантажаваць Анджэя Пачобута, — дадае Агнешка Рамашэўска, спасылаючыся на сваю інфармацыю. — Генеральны консул з Гродна Яраслаў Ксёнжэк [выехаў на патрабаванне беларускага боку 13 сакавіка, зараз функцыі генеральнага консула выконвае Анджэй Рачкоўскі. — Заўв. Hrodna.life] піша,
што ў першую чаргу мы павінны ўвесь час патрабаваць безумоўнага вызвалення нашых суайчыннікаў, а не загадзя згаджацца на іх дэпартацыю».

Кіраўнічку непрызнанага беларускімі ўладамі Саюзу палякаў Анжаліку Борыс затрымалі 23 сакавіка, асудзілі на 15 сутак, але пасля не выпусцілі з-пад варты.

Чытайце таксама: Анжелика Борис: «Я договариваюсь на паритетах. Иначе — не уступлю»

Журналіста і актывіста Саюза палякаў Анджэя Пачобута затрымалі ў Гродне 25 сакавіка 2021 года. Абодва лідары польскай меншасці абвінавачваюцца паводле арт. 130

Крымінальнага кодэкса (Распальванне расавай, нацыянальнай, рэлігійнай альбо іншай сацыяльнай варожасці або розні). 11 чэрвеня стала вядома, што Анджэй захварэў на каранавірус. Таксама вядома, што ў яго ёсць праблемы з сэрцам. У лістах да жонкі журналіст пісаў, што ў яго збіваецца сардэчны рытм. Да 8 ліпеня ён будзе знаходзіцца ў карантыне, ўвесь гэты час яго не зможа наведваць адвакат, пісала ягоная жонка Аксана Пачобут на Facebook. У Дэпартаменце выканання пакаранняў запыт Беларускай асацыяцыі журналістаў пра яго здароўе разглядаць адмовіліся, спаслаўшыся на медычную таямніцу.

Чытайце таксама: Пресс-служба МВД: состояние здоровья Дениса Ивашина — удовлетворительное

«Польская справа» ў Беларусі

У сакавіку пракуратура распачала крымінальную справу за ўшанаванне антысавецкіх дзеячаў. МЗС Беларусі выслала з краіны консула ў Брэсце Ежы Цімафеюка, а пасля і генеральнага консула Гродна Яраслава Ксёнжыка.

Затрыманыя прадстаўнікі Саюза палякаў, сярод якіх Анжаліка Борыс і Анджэй Пачобут, праходзяць па крымінальнай справе па ч. 3 арт. 130 КК (Распальванне расавай, нацыянальнай, рэлігійнай альбо іншай сацыяльнай варожасці або розні). Згодна з артыкулам, ім пагражае ад 5 да 12 гадоў зняволення. Іх прызнали палітвязнямі. У сярэдзіне траўня затрыманым працягнулі тэрмін зняволення на тры месяцы.

Трох іншых фігурантак «польскага справы» вывезлі ў Польшчу ў канцы траўня 2021 года. Гэта Ганна Панішава і прадстаўніцы грамадскіх польскіх школ у Лідзе і Ваўкавыску Ірэна Бярнацкая і Марына Цішкоўская. Перад гэтым ім далі падпісаць дакументы аб змене меры затрымання. Ірэна Бярнацкі распавяла, што яе вывезлі ў машыне без нумарных знакаў, а пашпарт застаўся ў дачкі ў Лідзе.

Чытайце таксама: «Боялась, что расстреляют в лесу». Как вывозили из Беларуси задержанных по «польскому делу«

Усе пералічаныя вышэй з’яўляюцца грамадзянамі Беларусі.