Гандлёвы цэнтр «Фламінга» плануюць рэканструяваць і павялічыць. Перад гэтым праект павінен прайсці грамадскае абмеркаванне. Пра гэта паведаміў Гродзенскі гарвыканкам.
Прапануецца павялічыць гандлёвы цэнтр на 2000 м2. Гэта амаль што ў два разы болей чым зараз. У прыбудове плануецца размясціць крамы дзіцячых і прамысловых тавараў, а таксама кафэ на 50 пасадачных месцаў з адкрытай тэрасай на ўзроўні другога паверха.
Плануецца змяніць праезд да суседніх жылых дамоў. Ён будзе толькі з вуліцы Лізы Чайкінай і Рэпіна, каб машыны жыхароў не перасякаліся з транспартам гандлёвага цэнтра. Двары дамоў прапануюць рэканструяваць, стварыць 30 новых парковачных месцаў, а таксама дзіцячыя і спартовыя пляцоўкі.
Пашырэнне гандлёвага цэнтра ўжо планавалася ў чэрвені 2019 года. Тады таксама прайшло грамадскае абмеркаванне. Але рэканструкцыю так і не распачалі.
Азнаёміцца з праектам можна будзе з 21 чэрвеня па 6 ліпеня ў вестыбюлі Упраўлення будаўніцтва, архітэктуры і горадабудаўніцтва (пл. Тызенгаўза, 3) з панядзелка па пятніцу з 8:00 па 13:00 і з 14:00 па 17:00. Таксама на сайце гродзенскага гарвыканкама.
Прэзентацыя адбудзецца 30 чэрвеня ў 15:00 ў будынку гарвыканкама, кабінет 202.
Інфармацыя аб выніках грамадскага абмеркавання будзе размешчана на сайце Гродзенскага гарвыканкама да 3 жніўня.
Чытайце таксама:
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…