Ілюстрацыйнае фота. Фота: intalent.pro
Новы дзяржаўны стаматалагічны цэнтр пабудуюць у Гродне, распавялі Hrodna.life у Галоўным упраўленні аховы здароўя Гродзенскага аблвыканкама ў адказ на афіцыйны запыт. Раней меркавалася, што цэнтр мог заняць былы будынак «Беларусбанка» на Цітова, 7. Але распрацоўку праекта перапланіроўкі адмянілі з-за недахопу грошай.
Распрацоўваць медыцынскае заданне па стварэнні стаматалагічнага цэнтра пачалі ў канцы 2020 года, распавяла Hrodna.life начальнік Галоўнага ўпраўлення аховы здароўя Гродзенскага аблвыканкама Людміла Кеда. Для яго пабудуюць новы будынак. Гэта танней, чым перапланіроўка былога будынка банка ў адпаведнасці з санітарна-эпідэміялагічнымі і іншымі патрабаваннямі да аб’ектаў аховы здароўя.
У цэнтры створаць тэрапеўтычнае, хірургічнае і артапедычнае аддзяленні, зубатэхнічныя лабараторыі, у тым ліку з магчымасцю прымянення лічбавых тэхналогій. Гэта дазволіць аказваць усе неабходныя паслугі ў адным месцы. Таксама ў цэнтры акажуць высокакваліфікаваную дапамогу жыхарам вобласці з найбольш складанымі для дыягностыкі і лячэння паталогіямі.
Існуючая структура дазваляе забяспечыць даступную і якасную стаматалагічную дапамогу жыхарам вобласці, лічаць у аблздраве.
У склад Цэнтральнай гарадской стаматалагічнай паліклінікі Гродна ўваходзяць 2 філіяла, 12 аддзяленняў, 3 кабінета. У вобласці таксама працуюць стаматалагічныя паліклінікі ў Лідзе і Ваўкавыску. Стаматалагічныя аддзяленні ёсць ва ўсіх цэнтральных раённых бальніцах. У Гродзенскай універсітэцкай клініцы працуе аддзяленне гнойнай сківічна-тварнай хірургіі.
Чытайце таксама: В Гродно хотели построить городской стоматологический центр. Но у властей нет денег на проект
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…