Аляксандр Цялега. Фота: сацсеткі героя
3 траўня ў Барысаве затрымалі лекара-неўролага Аляксандра Целягу, паведаміў Telegram-канал «Белые халаты». Падпісчыкі канала паведамілі, што яго збілі ноччу ў кватэры і павезлі ў Гродна ў СІЗА. У Галоўным упраўленні ўласнай бяспекі (ГУУБ) Гродна распавялі падрабязнасці справы.
За абразу праваахоўнікаў затрыманы беларус, які працуе лекарам у Расіі, паведамілі 6 траўня ў ГУУБ Гродна. Яго затрымалі ў родным горадзе, калі ён прыехаў у госці да блізкіх. Следчыя распачалі крымінальную справу за абразу прадстаўнікоў улады.
«Мінулай зімой у экстрэмісцкім Telegram-канале барысаўчанін пакінуў шматлікія абразлівыя каментары ў адрас міліцыянтаў, работнікаў пракуратуры і судоў. Для віртуальнага булінгу ён выкарыстаў розныя нікнэймы», — паведамілі ў міліцыі.
Зараз Аляксандр Цялега знаходзіцца ў ІЧУ Гродна, праводзіцца папярэдняе расследаванне.
«Я, знаходзячыся на эмоцыях пад уздзеяннем Telegram-каналаў, пісаў абразы супрацоўнікам міліцыі, лічачы, што магу гэтым нешта змяніць. Усё было на эмоцыях, усё было бессэнсоўна», — кажа мужчына на відэа ГУУБ.
Аляксандр Цялега — урач-неўролаг другой катэгорыі са стажам 18 гадоў. Скончыў ваенна-медыцынскі факультэт Беларускага дзяржаўнага медыцынскага ўніверсітэта ў 2003 годзе. Ён працаваў у Нарыльскай міжраённай паліклініцы. Займаўся апытаннем пацыентаў, вывучэннем аналізаў, а таксама курыраваннем ўсіх этапаў лячэння, напісана на медыцынскіх сайтах Нарыльска. Ён прыехаў у гэты горад па запрашэнні адміністрацыі горада Нарыльска для працы ў муніцыпальных установах адукацыі і аховы здароўя і атрымаў там кватэру, пісаў мясцовы партал «норильск.рф».
«У Барысаве гэтага лекара ўсе ведаюць. Можа ў Гродне хто-небудзь у СІЗА зможа перадаць яму цёплыя рэчы. Павезлі доктара літаральна ў ніжняй бялізне. Там з 8.00 да 17.00 перадачы па аўторках і пятніцах, — пісалі чытачы Telegram-канала. Беларускі Фонд медыцынскай салідарнасці прапанаваў дапамогу блізкім лекара, пісаў Telegram-канал «Белые халаты».
Начальніка абаротнага лакаматыўнага дэпо Гродна Аляксандра Бут-Гусаіма судзілі за атрыманне хабару (ч. 3 арт. 430…
Мост на Фамічова стаў адзіным пакуль у Гродне крытым віядукам. Пешаходны мост паміж жылой забудовай…
У атмасферным паветры Гродна павышана колькасць фармальдэгіду, а ў Лідзе паветра чыстае - эколагі не…
У Нацыянальны каляндар прышчэпак дадалі тры новыя вакцыны: супраць віруса папіломы чалавека (ВПЧ) для дзяўчынак,…
Прысвечаныя выбарам ролікі газета "Гродзенская праўда" публікуе ў сваім Telegram-канале. Звычайна героямі агітацыйных відэа становяцца…
Сайт "Petitions.by зручны горад", які збіраў петыцыі ад беларусаў і накіроўваў іх чыноўнікам, унеслі ў…