Права арэнды памяшкання на Савецкай, 23 падчас аукцыёна 4 траўня набыў Віктар Ларыёнаў, уладальнік кафэ «Ш&Б». Першапачатковы кошт складаў 787,63 рублеў. Падчас таргоў цэннік вырас у 66 разоў і ў выніку за права арэндаваць памяшканне плошчай 186 кв.м. пераможца заплаціць 52,8 тыс. рублёў.

Памяшканне ў красавіку 2021 года выставіў на таргі Гродзенскі абласны камітэт прыродных рэсурсаў (яму належыць будынак па Савецкай, 23). Прэтэндэндавалі на месца ў цэнтры горада сем чалавек. Для пераможцы аўкцыёна гэта не першая сёлетняя інвестыцыя. У лютым 2021 года Ларыёнаў набыў памяшканне былога фаст-фуда «Колобки» ў парку імя Жылібера.

Памяшканне былой “Пяльменнай” прадалі за 52 000 рублёў. Што там будзе?
Будынак на вул. Савецкая, 23

Па дамове з арэндадаўцам на Савецкай, 23 павіннен з’явіцца пункт грамадскага харчавання, альбо крама.

Раней у гэтым памяшканні працавала кафэ «Семафор», а ў савецкія часы і 90-я — папулярная ў горадзе закусачная «Пяльменная».

Чытайце таксама:

Ад «Гатэля паўстанцаў» да «Пяльменнай»: дом Севярына Ромера з вялікай гісторыяй і зусім без шыльдаў

Пачынаў з мыцця посуду ў Англіі, а потым стварыў «Калабкі»: гісторыя першага фастфуду ў Гродне