Галоўны рэдактар Hrodna.life Аляксей Шота. Фота: Юлія Сарока
Да нашых сяброў з брэсцкага выдання «Бінокль» сёння прыйшлі супрацоўнікі Дэпартаменту фінансавых расследаванняў Камітэту дзяржкантролю. Спачатку прыйшлі з аглядам дадому да выдаўца і да дырэктара, потым паехалі ў офіс. У выдаўца забралі тэхніку і тэлефоны, з офіса дакументы. Дырэктара завезлі ў ДФР на апытанне.
Паводле папярэдняй інфармацыі, агляды ў кватэрах праводзілі ў рамках праверкі за нявыплату падаткаў у асабліва буйным памеры.
«Бінокль» — адно з тых выданняў, сяброўствам з якім ганарыцца рэдакцыя Hrodna.life. Гэта адзін з найлепшых у Беларусі рэгіянальных сайтаў са смелай, творчай, прафесійнай камандай. «Бінокль» збіраў звесткі пра пацярпелых ад сілавікоў у жніўні, сачыў за пратэстамі нават позьняй восенню, вывучаў гісторыі затрыманых і асуджаных. Гэта блізкае нам па духу і пазіцыі выданне, якое, як і мы, стараецца рабіць свой горад лепшым месцам для жыцця.
Мы захапляемся калегамі і ў кожнай сітуацыі падтрымліваем іх, бо братэрства і салідарнасць — найважнейшыя рэчы для журналістаў ва ўсім свеце.
Мы патрабуем адкрытага і галоснага расследавання справы. Бо пераследаваць журналістаў нельга! Наша праца — паведамляць факты, нават калі яны камусьці не падабаюцца. Як пісаў Джордж Оруэл: «Калі свабода наогул нешта значыць, то гэта права казаць іншым тое, чаго яны не хочуць чуць».
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…