Навіны

Гродзенку асудзілі за абразу ўчастковага. Той прасіў пакараць яе мінімальна

Гродзенка Юлія Аршун 28 верасня напісала каментар пад фатаграфіяй міліцыянта ў Telegram-чаце «Гродно для жизни». Ён палічыў яго абразлівым. На Юлію завялі крымінальную справу па арт. 369 КК за публічную абразу прадстаўніка ўлады ў сувязі з выкананнем ім службовых абавязкаў. 6 студзеня ў судзе Ленінскага раёна суддзя Алена Пятрова прысудзіла гродзенцы два гады «хатняй хіміі» — абмежавання волі без накіравання ва ўстановы адкрытага тыпу.

Юлія 28 верасня прагледзела відэазапіс з нядзельнага мітынгу, дзе міліцыя затрымлівала людзей. Паводле яе слоў, знаходзілася на эмоцыях і была абураная збіццём грамадзян, таму і пакінула абразлівы каментар. Фота, пад які напісала каментар, абрала выпадкова. Юлія кажа, што не ведала, што на фота — супрацоўнік органаў унутраных спраў. 30 кастрычніка ў яе дома правялі ператрус і забралі яе ў УУС Гродзенскага аблвыканкама. Там запісалі відэа з выбачэннем, якое міліцыя выклала ў сваіх сацсетках.

На фатаграфіі быў пацярпелы — участковы Путнікаў (верагодна, Вадзім Путнікаў, падпалкоўнік міліцыі) з двума супрацоўнікамі міліцыі - Каячам і Русаком. На мітынгу 27 верасня Путнікаў быў у цывільным адзенні і здымаў відэа на камеру. Яго суправаджалі двое калегаў у форме, якія тлумачылі заканадаўства і прасілі людзей разысціся. Па словах пацярпелага, ён пастаянна знаходзіўся разам з супрацоўнікамі міліцыі. Затым перачытваў Telegram-каналы і ўбачыў сваё фота, пад якім быў каментар. Ён успрыняў яго абразлівым для сябе як для супрацоўніка органаў унутраных спраў і палічыў, што яго пакінулі з-за выканання яго дзейнасці. Абвінавачванне лічыць, што Юлія ведала, што на фота — супрацоўнік міліцыі.

Сведкі Каяч і Русак пацвердзілі, што ў той дзень вялі службу, тлумачылі заканадаўства, а пацярпелы знаходзіўся каля іх і вёў здымку. Яны палічылі, што карыстальнікам Telegram дакладна вядома, што здымку вядуць супрацоўнікі міліцыі, «з прычыны падзей, якія адбыліся пасля выбараў».

Читайте также: Четырех гродненцев начали судить за насилие над милиционерами у «Галактики». Их обвинили в преступном сговоре

Юлія папрасіла прабачэння перад пацярпелым. Яе асудзілі на два гады абмежавання волі без накіравання ва ўстановы адкрытага тыпу, як і прасіў пракурор. Змякчальнымі абставінамі палічылі малалетнюю дачку Юліі. Арышт з ноўтбука знялі, а тэлефон вырашылі канфіскаваць як сродак здзяйснення злачынства. Адвакат лічыў, што Юлію варта апраўдаць, так як абвінавачванне грунтавалася на здагадцы, што яна пазнала ў пацярпелым міліцыянта — гэта значыць, не было складу злачынства.

 — Нягледзячы на ўсё сказанае дзяржаўным абвінаваўцам, я лічу, што абвінавачаная зрабіла адпаведныя высновы, падчас судовага паседжання прынесла свае прабачэнні. Таму прашу прымяніць мінімальнае пакаранне, ўлічыць усе змякчальныя абставіны, — сказаў пацярпелы Путнікаў. Ён не заяўляў грамадзянскі іск і не патрабаваў ад пацярпелай кампенсацыі маральнай шкоды.

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025