З гродзенскай этнакрамай «Цудоўня» разрываюць дамову арэнды. Пра гэта ўласніку стала вядома ўвечары 3 снежня. З 4 снежня крама прыпыняе працу.
«Цудоўня» часова пераходзіць у анлайнавы гандаль, расказаў Hrodna.life яе супрацоўнік Антон Шаранкевіч. «Шчыра пакуль самі не ўсвядамляем што і як далей», — кажа ён. «Мы шакаваны такімі навінамі», — напісаў ён у Facebook. Уласнік плануе канусльтавацца з юрыстам.
«Цудоўня», як і многія гарадскія ўстановы, не працавала 26 кастрычніка ў знак салідарнасці з абвешчанай агульнабеларускай забастоўкай. Пасля гэтага ў памяшканне зачасцілі праверкі МНС і Міністэрства антыманапольнага рэгулявання і гандлю. Яшчэ раней, у верасні, з увахода ў краму двойчы на адзін дзень канфіскоўвалі бела-чырвона-белы сцяг — нібыта па просьбе грамадзян.
Гэта трэцяе памяшканне, якое займае крама за час свайго існавання. На Кірава, 3, як і раней на Вялікай Траецкай, «Цудоўня» дзеліць памяшканне з крамай-клубам настольных гульняў «Кубік» і крамай мэблі з масіва «33 камоды». Дамову арэнды разрываюць толькі з «Цудоўняй», яе кампаньёны застаюцца на сваім месцы.
«Цудоўня» існуе з траўня 2015 года. Асноўны кірунак дзейнасці - гандаль рамеснымі вырабамі ў нацыянальным стылі, адзеннем, беларускімі кнігамі. Ад часу заснавання «Цудоўня» актыўна займалася папулярызацыяй беларускай культуры. На пляцоўцы крамы праходзілі гістарычныя і культуралагічныя лекцыі, прэзентацыі кніг, майстар-класы, выступы музыкаў ды іншыя мерапрыемствы.
Чытайце таксама: Бизнес в Гродно-2020: коронавирус ударил сильно, проверки добивают выживших
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…
Калі вы хацелі жыць у кватэры з уласнай фрэскай, ды яшчэ і блізка да прыроды,…
У Гродне ёсць амаль 600 працоўных месцаў, дзе хопіць базавай адукацыі (9 класаў). Зарабляць там…
"Гроднажылбуд" 27 сакавіка апублікаваў навіну аб выстаўленні на продаж кватэр у 18-павярховай новабудоўлі ў Грандзічах.…