Нелегальная фабрыка. Фота: паліцыя Польшчы
Польская паліцыя ліквідавала нелегальную тытунёвую фабрыку, якая магла выпускаць не менш за 10 млн цыгарэт у месяц. Затрыманыя сямёра чалавек — двое грамадзян Польшчы і пяцёра грамадзян Беларусі, піша belmir.by.
Як удакладняецца ў прэс-рэлізе, над гэтай справай ужо доўгі час працавалі супрацоўнікі ўпраўленняў у Гданьску і Лодзі. Сабраная інфармацыя прывяла ў Лодзінскае ваяводства, дзе на тэрыторыі арандаванай прыватнай уласнасці і знаходзілася фабрыка.
Падчас акцыі затрыманыя сямёра чалавек. Пры ператрусе знойдзеныя і канфіскаваныя прафесійная тэхналагічная лінія коштам каля 1 млн злотых, больш за 1,8 млн штук цыгарэт, рэзаны тытунь і неабходныя для вытворчасці кампаненты.
Следчыя мяркуюць, што на фабрыцы да моманту яе ліквідацыі магло быць выраблена некалькі дзясяткаў мільёнаў штук цыгарэт. Канфіскаваныя цыгарэты і рэзаны тытунь нанеслі б казне шкоду ў памеры больш за 2 млн злотых.
Затрыманым мужчынам ва ўзросце ад 32 да 60 гадоў прад’яўленыя абвінавачванні ва ўдзеле ў арганізаванай злачыннай групе і вытворчасці і збыце падакцызных тавараў. Яны змешчаныя пад варту тэрмінам на 3 месяцы.
Расследаванне па справе працягваецца, не выключаны далейшыя затрыманні.
Сям'я з Ліды эканомна адпачыла ў Катары. Краіна дарагая, а Віталь і Таццяна - простыя…
Для пляжаў Гродна вырабяць 105 інфармацыйных знакаў. На іх будзе напісана, што забаронена купанне, вядзецца…
Чарговую пліту на гродзенскай Алеі кіно адкрылі 6 верасня напярэдадні Дня горада. Алея размяшчаецца на…
Недабудаваны сяміпавярховы будынак на праспекце Індустрыяльным, 12 у Смаргоні збіраюцца знесці. Рашэнне аб зносе прыняў…
Пракурор прапанаваў забараніць на "Гродна Азот" роднасныя сувязі ў супрацоўнікаў, якія знаходзяцца ў падпарадкаванні. Каб…
У Гродне 5 верасня прайшла прэм'ера прапагандысцкага фільма "Культурный код". У "Чырвоную зорку" прыйшлі вучні…