Старшыня Гродзенскага аблвыканкама Уладзімір Каранік прагназуе выхад на плато па каранавірусу, паведаміла «Гродзенская праўда» 10 лістапада. Ужо на наступны дзень колькасць тых, хто захварэў, у краіне дасягнула антырэкорду з прыростам у 1057 новых выпадкаў за суткі. 12 лістапада зафіксавана 1098 новых выпадкаў, 13-га — 1167. У Гродне з 14 лістапада ўвялі маскавы рэжым.
Каб не ператварыць чаканае плато ў чарговы пік, трэба ўзмацніць прафілактычную працу, лічыць Каранік. «Сацыяльна адказныя паводзіны грамадзян — гэта ў тым ліку наша праца па шырокім інфармаванні насельніцтва праз усе магчымыя каналы. Прафілактыка — найлепшы сродак, але без валюнтарызму!» — цытуе газета кіраўніка вобласці.
Медики говорят об эффекте плато при распространении инфекции, когда количество заболевших не повышается в течении длительного периода. Тогда на графике зависимости скорости от времени появляется горизонтальная линия.
Медыкі кажуць пра эфект плато пры распаўсюдзе інфекцыі, калі колькасць тых, хто захварэў, не падвышаецца ў плыні доўгага перыяду. Тады на графіцы залежнасці хуткасці ад часу з’яўляецца гарызантальная лінія.
Калі плато дасягнута і адсотак пазітыўных тэстаў не перавышае 3% ад усіх тэставаных, лічыцца, што краіна спраўляецца з эпідэміяй. Другі паказчык спаду — штодзённая колькасць ачунянняў больш, чым новых заражэнняў.
Дадзеных пра колькасць праведзеных тэстаў і іх вынікі ў матэрыяле «Гродзенскай праўды» няма. Няма статыстыкі па каранавірусу і на іншых афіцыйных сайтах вобласці.
«Служба аховы здароўя вобласці гатова да аказання кваліфікаванай дапамогі пацыентам з каранавірусам. Ложкавага фонду дастаткова, медыцынскі персанал забяспечаны сродкамі індывідуальнай абароны, сфармаваныя іх запасы. А галоўнае — у лекараў ужо ёсць каштоўны вопыт барацьбы з інфекцыяй. Для складаных выпадкаў разгорнутыя пункту падачы кіслароду. Зараз імі забяспечана больш за 35% ложкавага фонду, адведзенага пад COVID. Спецыяльна створаная камісія ацэніць рэзерв для падлучэння новых кропак ва ўсіх раёнах. Пры гэтым пастаўлена задача ў кожнай лячэбнай установе прадугледзець наяўнасць навучаных спецыялістаў для абслугоўвання кіслародных установак. Кампраміс немагчымы там, дзе на коне бяспека», — піша «Гродзенская праўда».
Чытайце таксама:
Гарадзенскім гарвыканкамам распрацаваў і 12 кастрычніка зацвердзіў «Комплексны план мерапрыемстваў па прафілактыцы каранавіруснай інфекцыі (COVID-19) у горадзе Гродна»
План прадугледжвае пастаяннае «забеспячэнне аператыўнага інфармавання пра выяўленне асоб з каранавіруснай інфекцыяй» і «штотыднёвае інфармаванне старшыні Гродзенскага гарвыканкама аб эпідэміялагічнай сітуацыі па каранавіруснай інфекцыі».
Пункт 6 плана прадугледжвае таксама «правядзенне маніторынгу медыярэсурсаў на прадмет распаўсюджвання недакладнай інфармацыі, фарміравання панічных настрояў у грамадстве і дыскрэдытацыі працы дзяржаўных інстытутаў».
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…