Навіны

Hrodna.life прызналі найлепшым рэгіянальным медыя 2020 года ў Беларусі

Вынікі штогадовага конкурса Асацыяцыі выдаўцоў рэгіянальных медыя падвялі 6 лістапада. Сёлета ў спаборы удзельнічалі 13 незалежных рэгіянальных медыяў, 96 аўтараў і амаль 300 матэрыялаў. Галоўную намінацыю конкурса — найлепшае медыя года — журы прысудзіла Hrodna.life. Таксама журналісты сайта сталі пераможцамі і намінантамі ў васьмі тэматычных раздзелах конкурса.

Летась Hrodna.life прызналі найлепшым сайтам, а журналісты прывезлі з цырымоніі ўзнагароджання 7 дыпломаў. Сёлета гродзенцы атрымалі найвышэйшую ўзнагароду журы.

У намінацыі «Фота» журы адзначыла працу Руслана Кулевіча пра «Маўклівы» перформанс у памяць ахвяраў Халакосту.

У намінацыі «Экалогія» адзначаны матэрыял Таццяны Сідлярэвіч «Злавіў хайп і стаў фермерам. Праграміст з Гродна закопвае грэчку ў зямлю і вырошчвае ягады годжы».

У намінацыі «Культура» вылучылі працу Таццяны Сідлярэвіч «У Навагрудку не могуць сабраць грошы на памятны знак сям'і, якая ратавала яўрэяў з гета».

Сярод матэрыялаў на беларускай мове журы адзначыла матэрыял Ірыны Новік «Сям'я з Гродна перавяла дзяцей у вясковую школу — далей ад каранавіруса. Вось што атрымалася».

Надзея Вішнеўская з артыкулам «Мы любого убьем, но вам город не отдадим». О чем рассказали гродненцы, пришедшие снимать побои в судмедэкспертизу" стала намінанткай у раздзеле «Сацыяльны рэпартаж».

У намінацыі «Відэа» найлепшым стаў рэпартаж Эміліі Комар і Андрэя Ломава пра жанчын у беларускай палітыцы.

Найлепшымі сацыяльнымі акцыямі прызнаны супольны праект Hrodna.life і Гродзенскага дзіцячага хоспіса «Супрэматызм. Мастацтва. Дабрачыннасць» ды выданне кнігі «Гарадзенкі».

Перамога ў конкурсе Асацыяцыі выдаўцоў рэгіянальных медыя — не адзінае прызнанне 2020 года. Сёлета Hrodna.life таксама атрымаў высокія адзнакі ў маніторынгу выканання прафесійных стандартаў MediaIQ.

Падзяліцца

Апошнія запісы

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025