30 кастрычніка ў Гродне на Кірава, 3 прадставілі інсталяцыю “Чорны пакой”. “Гэта культ-пратэст”, – абвясцілі стваральнікі. Мастак пажадаў застацца ананімным і выступіў пад псеўданімам “Сіла”.
“У светлым-светлым горадзе жылі светлыя-светлыя людзі. Гэта былі мастакі, журналісты, праграмісты, лекары, настаўнікі. Потым прыйшлі чорныя-чорныя людзі. Яны не зваліліся з космасу. Яны выпаўзлі з ценяў гэтага светлага горада. І гэтыя чорныя-чорныя людзі спрабуюць зрабіць наш горад чорным-чорным”, – сказалі Hrodna.life стваральнікі.
Інсталяцыя ўяўляе сабой чорны куб з уваходам у выглядзе сілуэта чалавека. Унутры можна ўбачыць малюнкі на чорным фоне. Выкарыстоўвалі чорны, белы і чырвоны колеры.
