Навіны

Гродзенец Максім Швед зняў фільм пра палітычныя размовы ў таксі

Дакументаліст з Гродна Максім Швед хацеў зафіксаваць настроі людзей напярэдадні выбараў прэзідэнта Беларусі. Разам з камандай ён усталяваў камеры ў машынах таксі ў Мінску і Баранавічах.

У стварэнні фільма ўдзельнічалі два кіроўцы таксі. Кожны з іх папярэджваў пасажыраў аб здымцы. У выніку героямі фільма «Маршрут перестроен» сталі каля 40 пасажыраў з рознымі палітычнымі поглядамі.

«У чэрвені мне прапанавалі зняць для „Настоящего времени“ фільм пра выбары ў Беларусі, — распавядае Максім Швед. — Я прапанаваў некалькі варыянтаў, і мы ўзгаднілі тэму — размовы кіроўцаў таксі з пасажырамі. Я сам часам размаўляю з таксістамі на розныя тэмы».

Каманда знайшла герояў-кіроўцаў з супрацьлеглымі меркаваннямі. Ганна падтрымлівае дзеючую ўладу, а Павел хоча пераменаў.

«Я не думаў, што гэтыя выбары стануць пераломнымі ў гісторыі нашай краіны. Мы планавалі зрабіць апошнія здымкі ў Дзень выбараў, калі кожны з таксістаў пойдзе на выбарчы ўчастак. Але падзеі пачалі імкліва развівацца, таму мы працягнулі здымаць і пасля выбараў».

Максіму здаецца, што фільм унікальны тым, што ў ім зафіксаваныя думкі і ідэі беларусаў да пачатку пераменаў у краіне. Рэжысёр лічыць, што з часам карціну можна будзе пераглядаць і аналізаваць.

Пасля выбараў Максіма затрымалі

Максіма Шведа затрымалі 10 жніўня ў Мінску. Яго збілі і даставілі ў адзін са сталічных РАУС. Ён атрымаў 5 сутак арышту.

«Пакуль прыходжу ў сябе пасля ўсіх падзей. Ужо ёсць задумкі новых карцін. Магчыма, рэлізую адну з тэм, звязаных з Гродна».

Пасля выбараў Максім Швед таксама працаваў над дакументальным фільмам аб пратэстах у Беларусі для The Guardian.


Падзяліцца

Апошнія запісы

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025