Навіны

Чарговыя Tandem Evenings in Hrodna адбудуцца ў кастрычніку

Запрашаем на восеньскiя Tandem Evening in Hrodna, якiя адбудуцца з 5 па 9 кастрычніка, а 19 гадзіне.

Сустрэчы будуць праходзіць ужо ў звыклым усім анлайн-фармаце, на пляцоўцы Zoom. Паглядзець як праходзілі Tandem evenings in Hrodna і пачытаць водгукі можна па гэтай спасылцы.

Першая восеньская сустрэча адбудзецца 5 кастрычніка. Пачатак сустрэч у 19.00. Сустрэчы будуць праходзіць у анлайн-фармаце.

  • Польскі моўны столік — 5 кастрычніка, мадэратарка Катажына Рамбеза, тэма «Што мы можам зрабіць для нашага навакольнага асяроддзя і экалогіі?»
  • Англійскі моўны столік — 6 кастрычніка, мадэратар Максім Храмчанкоў, тэма «Свабода слова»
  • Італьянскі моўны столік — 8 кастрычніка, мадэратарка Ганна Урбановіч, тэма «Пакаленні. Сувязі і адрозненні»
  • Нямецкі моўны столік — 9 кастрычніка, мадэратары Таццяна Грыц і Хрысціан Біондзі, тэма «Падарожжы пасля пандэміі»

Для ўдзелу запоўніце, калі ласка, кароткую анкету па гэтай спасылцы да 4 кастрычніка.

Дадатковая інфармацыя па тэлефонах +375 29 259 52 34 цi +375 33 634 10 41.

Tandem Evenings in Hrodna — гэта магчымасць паразмаўляць на розных мовах, падзяліцца сваімі ведамі і досведам, абмяняцца культурным досведам пра іншыя краіны, сустрэць жыхароў замежных краін і людзей, якім цікава развівацца і знаёміцца з іншымі культурамі.

Сустрэчы Tandem Evening in Hrodna — некамерцыйныя. Мы сфакусаваныя на абмене мовамі і культурай.

Сустрэчы Tandem Evening in Hrodna — адкрытыя. Яны прызначаны для тых, хто добра размаўляе на нейкай мове, а таксама для тых, хто толькі пачынае яе вывучаць.

Як гэта працуе?

Мы збіраемся за рознымі «моўнымі сталамі» і размаўляем на розныя цікавыя для вас тэмы.

Ты слухаеш носьбітаў той альбо іншай мовы і тых, хто хоча лепш авалодаць ёй, уключаешся ў размову, калі лічыш патрэбным. Няма сэнсу вывучаць замежную мову, калі ты не спрабуеш размаўляць на ёй!

Калi Вы добра валодаеце нейкай мовай — запрашаем стаць мадэратарам моўнага стала!

Сачыце за нашымі анонсамі ў Фэйсбуку, ВК i тэлеграме:

facebook.com/tandemeveningsinhrodna/
vk.com/tandemeveningsinhrodna
@grodnoevent

Восеньскія сустрэчы ў межах Tandem Evenings in Hrodna ладзяцца сумесна ўстановай «Цэнтр дадатковай адукацыі дарослых «Студыя карысных кампетэнцый», грамадскім аб’яднаннем «Цэнтр «Треці Сектар», Вэб-парталам Hrodna.Life, Валанцёрскай групай «Крок насустрач», у партнёрстве з Міжнароднай некамерцыйнай арганізацыяй Pact пры падтрымцы Агенцтва ЗША па міжнародным развіцці (USAID).

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025