Человек переплывает Неман. Скрин видео за 13 сентября
Вечарам 23 верасня ў цэнтры Гродна чалавек, уцякаючы ад міліцыі, скокнуў у Нёман. Калі ён пераплыў раку, яго затрымалі. Пра гэта распавёў Hrodna.life чытач Мікалай, якія стаў сведкам падзеі.
«Мы з сябрам сядзелі на задняй часткі драмтэатра. Я звярнуў увагу, што ўнізе стаялі людзі ў форме. Праз некаторы час на тэрыторыю тэатра пад’ехаў бус і забраў некалькіх амапаўцаў, але пры гэтым некалькі яшчэ заставалася. Пасля гэтага я звярнуў увагу на сілуэт у Нёмане. Спачатку мы з сябрам падумалі, што чалавек тоне. Як потым аказалася, ён проста дрэнна плаваў».
Мікалай адзначае, што чалавек каля 10 хвілін спрабаваў пераплысці Нёман, а калі даплыў да берага, яго затрымала міліцыя.
«Пад'ехаў бус і побач з бусам бегла яшчэ 5−6 амапаўцаў. І паколькі хлопец ужо быў знясілены з-за халоднай вады і плыні, ён не змог ад іх уцячы», — дадаў Мікалай.
Чытачы Hrodna.life пазналі ў гродзенцы акцёра Тэатра лялек і музыканта Аляксандра Рацько.
Гэта ўжо другі выпадак у верасні, калі гродзенец уцякае ад міліцыі ў раку. 13 верасня Віктар Касцюк выйшаў у цэнтр Гродна ў майцы з нацыянальнай сімволікай і сцягам. Яго паспрабавалі затрымаць супрацоўнікі міліцыі. Ён вымушаны быў уцякаць і, каб выратавацца ад пераследу, пераплыў Нёман. Выбрацца з ракі Віктару дапамаглі выпадковыя мінакі. Яго не затрымалі.
У Навагрудку завяршаецца пяты этап рэканструкцыі замка. Тут з'явіліся фартыфікацыйныя сцены з высокай металічнай брамай…
Курсанта Акадэміі МУС, 21-гадовага Іллю Нарышкіна, асудзілі на 15 гадоў пазбаўлення волі ў калоніі ўзмоцненага…
У Гродне на продаж выставілі старую воданапорную вежу ў мікрараёне Фолюш. Паводле ўмоў аўкцыёна, там…
Анестэзіёлаг-рэаніматолаг з 3-й мінскай дзіцячай бальніцы публікавала ў Х (Twitter) пасты пра сваю нянавісць да…
Пасля негалоснай забароны на правядзенне свята ў Беларусі буйныя вечарынкі напярэдадні Дня ўсіх святых амаль…
Былога дырэктара шклозавода "Нёман" і дзяржаўнага функцыянера Ігара Бацяна прыгаварылі да 12 гадоў калоніі па…