«Ненастаяшчы прэзідэнт» з Гродна застаўся за кратамі. Яму «дадалі» суткі за іншую, шматтысячную акцыю

Карыкатурыста Андрэя Янковіча, які стаў вядомы як «ненастаяшчы прэзідэнт», пакінулі ў няволі. Яго асудзілі яшчэ на 10 сутак адміністрацыйнага арышту ўжо за іншую мірную акцыю, якая праходзіла 16 жніўня. Тады ў ёй бралі ўдзел да 40 тысяч чалавек.

Раней суд Кастрычніцкага раёна прысудзіў гродзенцу 7 сутак арышту за ўдзел у мірнай дэманстрацыі 30 жніўня (суддзя Руслан Хіхол).

Суд Ленінскага раёну правёў новы працэс без удзелу грамадскасці, так, як у апошнія часы і праходзяць суды ў Гродне. Прысуд вынесла суддзя Наталля Козел, піша harodniaspring.org.

На мітынгу ў Гродне 30 жніўня Андрэй Янковіч зрабіў касплэй цяперашняга кіраўніка краіны і выйшаў з плакатам «Прэзідэнт ненастаяшчы». Яго пераўвасабленне стала сенсацыяй дня. Затрымліваць мастака прыехалі два буса з АМАПам. Былы сукамэрнік мастака распавёў, што ў кватэры, якую здымае Янковіч, правялі ператрус.

Чытайце таксама: «Ненастаяшчы прэзідэнт» прачнуўся знакамітым, але за кратамі

Андрэй Янковіч на мітынгу 30 жніўня

У пратэстах у нядзелю, 16 жніўня, за якія асудзілі Янковіча на новы арышт, удзельнічалі да 40 тысяч гродзенцаў. Людзі прайшлі з плошчы Савецкай па вуліцах горада да плошчы Леніна. Яны неслі вялікае бел-чырвона-белае палотнішча сцяга. На плошчы зачыталі патрабаванні, якія былі перададзеныя ўладам днём раней.

Андрэю Янковічу 32 гады. Ён інжынер-канструктар і тэхнолаг, скончыў Гродзенскі тэхналагічны каледж, а пазней БНТУ. Апошнія гады працаваў на прадпрыемстве «Біякам». Як навыкі ў яго рэзюмэ адзначаны праектаванне, 3D-мадэляванне і аналіз дадзеных.

Акрамя інжынернай працы Андрэй малюе ілюстрацыі і карыкатуры, пастаянна супрацоўнічае з некалькімі беларускімі СМІ. Гродзенцы маглі бачыць яго малюнкі ў «Вячэрнім Гродне».

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025