Навіны

«Света, смаж катлеты!» 30 чалавек пікетавалі консульства Літвы ў Гродне

30 гродзенцаў сабраліся ў 12.30 каля консульства Літвы, каб выказаць незадаволенасць «замежным умяшаннем». Яны скандавалі «Света, смаж катлеты» і прасілі прыбраць войскі НАТА з беларускіх межаў.

«Уся моладзь з’ехала [з Літвы — Hrodna.life] у пошуках лепшага жыцця! Хай яны ў сябе ў краіне навядуць парадак!» — абмяркоўвалі прысутныя. У асноўным гэта людзі з арганізацыі ветэранаў Гродна. «Хай зарабляюць у тваёй краіне, а не фінансуюць нашых дзяцей, якіх заклікаюць туды. Гэта толькі першы заклік. А будзе па-іншаму!» — казалі пікетоўцы.

— Яны ж прынялі Ціханоўскую, якая заклікае заводам спыніцца, «камуналку» не плаціць, дзецям у школы не хадзіць. Да чаго яна заклікае? Да анархіі, да хаосу! — сказаў адзін прысутны.

Мітынг ветэранаў ля консульства Літвы ў Гродне

— Хай вылучаюць у свае прэзідэнты! — пагадзілася ўдзельніца.

— Уявіце сабе: яна б атрымала большасць [галасоў выбаршчыкаў на выбарах — Hrodna.life]. Што б было?

— Вайна!

— У нас квітнеючая краіна!

— Света, смаж катлеты!

— Гродзенская вобласць — такі прынадны кавалачак. Тут столькі прамысловасці. Вядома, хочацца адхапіць!

Мітынг ветэранаў Гродна ля консульства Літвы

Прысутныя спадзяваліся, што да іх выйдзе консул, каб перадаць яму свае патрабаванні. Ціханоўскую папрасілі не маніпуляваць «іх дзецьмі».

— У нашай вобласці каля 400 000 пенсіянераў з правам голасу. Гэта 40% выбаршчыкаў нашай вобласці. І мы ўсе прагаласавалі за Лукашэнку, нашы сем'і - дзеці і ўнукі - таксама. Адзінкі не прагаласавалі за яго. І яна набрала большасць? Смешна. Адзін участак — не ўся рэспубліка, — выказаліся ўдзельнікі акцыі.

Уладзімір Цюцюннік, старшыня савета ветэранаў сцвярджаў, што мерапрыемства ўзгоднена з гарадскімі ўладамі.

— Рыхтавалі заяву мае людзі з ветэранскай арганізацыі, я падпісаў. Гэта было дні чатыры-пяць таму. Я не памятаю.

 — Вы адлічвалі 50 метраў ад консульства? (Згодна з Законам Аб масавых мерапрыемствах, іх правядзенне не дапускаецца на адлегласці менш за 50 метраў ад дыпламатычных прадстаўніцтваў і консульскіх устаноў.)

 — І куды нам, на дах? Ёсць законы — але ёсць і выключэнні. У палякаў там 50 метраў [гаворка ідзе пра мітынг 2 верасня каля консульства Польшчы — Hrodna.life] - будынак далёка. А тут куды мы падзенемся? Пакараюць нас. Але мы не прыйшлі ваяваць сюды, не ламаць платы. Мы прыйшлі мірна консулу выказаць. Яны ж не выходзяць — мы без зброі, без кулакоў. Мы прыйшлі пагаварыць, каб ён давёў нашы жаданні і меркаванні да прэзідэнта Літвы. Там ён, напэўна, не ведае, што ў Беларусі робіцца.

Праз паўгадзіны мітынгоўцы ўсё ж перайшлі праз дарогу і сталі далей.

Гарадзенка праязджала міма і папрасіла паказаць дазвол на правядзення мітынгу. Яе назвалі правакатаркай і спыталі, колькі грошай за гэта заплацілі.

Каля 13.30 мітынгоўцы разышліся.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025