Акция солидарности с задержанными под Октябрьским РОВД 25 августа
Увечары 25 жніўня ў раёне вуліцы Гая былі затрыманні сярод тых, хто быў каля Кастрычніцкага РАУС. Людзі, якія сабраліся, прыйшлі падтрымаць 28 затрыманых працаўнікоў «Гродна Азот».
Калі людзі з акцыі салідарнасці пачалі разыходзіцца, невядомыя ў цывільным сталі затрымліваць тых, хто ішоў паасобку.
«Людзі сталі крычаць: „Дапамажыце!“. Пачалася бойка. Прыехаў аўтазак, выбег АМАП, пусцілі газ. У цемры людзі крычалі „Дапамажыце!“. Побач са мной стаяла дзяўчына, бег АМАП — яны яе проста з ног збілі. Я не ведаю, чым гэта ўсё скончылася», — распавядаў Hrodna.life відавочца сітуацыі каля РАУС.
У прэс-службе Упраўлення ўнутраных спраў Гродзенскага аблвыканкама абверглі прымяненне газу.
«Усяго затрымана тры ўдзельнікі мерапрыемства. Газ супрацоўнікі АМАПу ніякі не ўжывалі, ніякіх спецсродкаў не было. Пачаты адміністрацыйны працэс» — удакладніў прэс-сакратар УУС Яўген Дудко.
Артыкул, у рамках якога затрымалі прысутных пад РАУС на Гая, ён не назваў.
Увечары 25 жніўня затрымалі актывіста Яўгена Дудкіна. Ён прапаноўваў прысутным пад РАУС заклікаць да адказу дэпутатаў, і калі яны адмаўляюцца адказваць, пачынаць працэс іх адклікання. Яго затрымалі па дарозе дадому ў тралейбусе. Раніцай 26 жніўня прайшоў суд, Яўген атрымаў штраф 5 базавых велічынь (1 базавая велічыня складае 27 рублёў).
Пра моцна збітага пры затрыманні хлопца пісаў канал, чый сайт прызнаны ў Беларусі экстрэмісцкім.
Таксама 26 жніўня судзілі затрыманых у панядзелак на акцыі мірнага пратэсту ў парку Жылібера, вызвалення якіх, як і «азотаўцаў», патрабавалі людзі пад РАУС. Садоўскаму прысудзілі 10 базавых велічынь, Васіль Кананчук атрымаў штраф 25 базавых велічынь, Леанід Дыскавец — 10 базавых. Усіх судзілі паводле артыкула 23.34 — Парушэнне парадку арганізацыі або правядзення масавых мерапрыемстваў.
Чытайце таксама:
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…