Новы галоўны алтар Брыгіцкага касцёла ўрачыста адкрылі пасля рэканструкцыі 23 жніўня. Яго на працягу года аднаўлялі па старых фатаграфіях. Гэта дакладная копія алтара, які быў усталяваны ў храме ў 17 стагоддзі.
«Алтар рабілі кожны дзень акрамя нядзель і святаў», — распавёў ксёндз Антоній Грэмза. Па яго словах, асаблівасцю алтара з’яўляюцца калоны, якія нагадваюць часткі калон у базыліцы святога Пятра ў Рыме. Кожная калона складаецца з 6 частак, якія важаць 500 кг.
На медыйнай прэзентацыі перад адкрыццём алтара выступаў майстар па яго аднаўленні Вітольд Габінскі. Ён падкрэсліў, што галоўнае адрозненне сённяшняга алтара ад гістарычнага ў тым, што «новы ўжо ніхто не вынесе». Бо ў савецкія часы, калі касцёл быў зачынены, арыгінальны разьбяны алтар разабралі. Некаторыя яго часткі сёння захоўваюцца ў Нацыянальным мастацкім музеі Беларусі.
Алтар завершаны яшчэ не цалкам. Знізу не хапае статуй святых Аўгустына, Уладзіслава, Казіміра і Войцеха, зверху — статуй святога Міхаіла Арханёла і анёлаў. Яны з’явяцца пазней.
Пасля імшы ўсе жадаючыя маглі застацца на канцэрт моладзевай групы OPEN і ўбачыць музейную экспазіцыю ў сутарэннях касцёла.
Суды разгледзелі і задаволілі ў 2024 годзе 140 заяў ад пракуратуры Гродзенскай вобласці аб прызнанні…
Пра арышт кватэры блогер і экс-палітвязень Вадзім Ермашук даведаўся з паведамлення Следчага камітэта. Ён размясціў…
У Гродзенскай універсітэцкай клініцы правялі майстар-клас для медыкаў, часткай якога стала аперацыя па памяншэнні страўніка…
Палітвязня Мікіту Емяльянава судзяць у Гродне. Беларусаў вымушаюць падпісваць папярэджанні перад выбарамі. Кожны дзень у вобласці…
Гродзенскі абласны драмтэатр шукае дзевяць новых супрацоўнікаў. Палова вакансій звязана з кіруючымі пасадамі. На недахоп…
Будынак былой каралеўскай сядзібы Панямунь набылі з аўкцыёну 16 студзеня 2025 года. Пакупніка часткі былой…