Аляксандр Лукашэнка заявіў, што ў Гродне вывешваюць польскія сцягі, а «падобныя рэчы будуць спыненыя кардынальным чынам». Пра гэта ён сказаў 19 жніўня на пасяджэнні Савета бяспекі з удзелам па відэасувязі кіраўнікоў рэгіёнаў, перадае карэспандэнт БЕЛТА.
«Тыя, хто сёння, асабліва за мяжой (гэта ўжо відавочна), шашкі точыць, атрымае сур’ёзны адпор. Гэта не галаслоўна. Ужо ў Гродне вывешваюць польскія сцягі. Гэта недапушчальна. І падобныя рэчы будуць спыненыя кардынальным чынам», — дадаў Аляксандр Лукашэнка.
Таксама ён згадаў мітынгі ў падтрымку дзеючай улады, у якіх прынялі ўдзел каля 100 тыс. беларускіх грамадзян.
