Фото: povestka.by
Бліжэйшыя пяць дзён гродзенскія паштальёны абавязаны працаваць і ў вячэрні час: яны будуць уручаць заказныя лісты з позвамі з ваенкамата. Пра гэта гаворыцца ў службовым лісце № 20−134 / 1057 Гродзенскага філіяла міністэрства сувязі і інфармацыі ад 14 жніўня.
З панядзелка па пятніцу паштальёны абавязаны разносіць позвы два разы на дзень: раніцай, як звычайна, і з 17:00 да 19:00, калі адрасатаў не аказалася дома, распавяла Hrodna.life працаўніца аднаго з гродзенскі паштовых аддзяленняў. Паводле яе слоў, гэта тычыцца ўсіх аддзяленняў пошты.
«Позва ідзе ўсім, хто падлягае воінскаму ўліку пад абавязковы подпіс», — дадала яна. Гэта неабходна для правядзення прызыву грамадзян Беларусі на тэрміновую ваенную службу і службу ў рэзерве ў жніўні-лістападзе 2020 года, сказана ў дакуменце. Заказныя лісты, якія не дайшлі да адрасатаў на працягу пяці дзён, абавязаны вярнуць у ваенны камісарыят Гродна.
Чытайце таксама: «Народ біць дакладна не пойдзем». Дэсантнікі выйшлі на вуліцы Гродна
Фота дакумента за подпісам Святланы Грыб, начальніцы аб’яднанага цэха паштовай сувязі (АЦПС) Гродзенскага філіяла РУП «Белпошта» рэдакцыі Hrodna.life прадаставіла крыніца на прадпрыемстве.
Раней Міністэрства абароны паведаміла пра пачатак тактычных вучэнняў з батарэяй рэактыўных дывізіёнаў. Яны пройдуць з 17 па 20 жніўня паблізу Астраўца, палігонаў «Гожскі» пад Гродна і «Нёман».
Падраздзяленні ракетных войскаў і артылерыі выканаюць задачы па заступленні на баявое дзяжурства па прызначаных аб’ектах (цэлях). Асабісты склад 103 паветрана-дэсантнай брыгады вылучаецца на палігон «Гожскі» для адпрацоўкі ўзмацнення ўчасткаў дзяржаўнай мяжы. Там жа пройдуць планавыя заняткі з баявой стральбой з асобнымі танкавымі і механізаванымі батальёнамі.
Паведамленне пра пачатак вучэнняў з’явілася на сайце Мінабароны 16 жніўня, у нядзелю.
15 жніўня Аляксандр Лукашэнка даручыў перакінуць у Гродна Віцебскую дэсантна-штурмавую брыгаду. Спецыялісты Узброеных сіл даклалі яму пра «нарошчванне ваеннага кампанента» каля заходніх межаў Беларусі, сказана ў сюжэце на тэлеканале «Беларусь 1». Лукашэнка выказаў занепакоенасць вучэннямі НАТА ў суседніх з Беларуссю краінах і заявіў, што ідзе эскалацыя і нарошчванне збройнага кампанента на гэтых тэрыторыях. На «Беларусь-1» згадалі аб перакідцы амерыканскіх салдат на базы непадалёку ад беларускай мяжы. Згаданая там база ў мясцовасці Драўскі Паморскі знаходзіцца, аднак, каля нямецкай мяжы, на ўзбярэжжы Балтыйскага мора, піша «Радыё С**бода».
Чытайце таксама:
У Навагрудку завяршаецца пяты этап рэканструкцыі замка. Тут з'явіліся фартыфікацыйныя сцены з высокай металічнай брамай…
Курсанта Акадэміі МУС, 21-гадовага Іллю Нарышкіна, асудзілі на 15 гадоў пазбаўлення волі ў калоніі ўзмоцненага…
У Гродне на продаж выставілі старую воданапорную вежу ў мікрараёне Фолюш. Паводле ўмоў аўкцыёна, там…
Анестэзіёлаг-рэаніматолаг з 3-й мінскай дзіцячай бальніцы публікавала ў Х (Twitter) пасты пра сваю нянавісць да…
Пасля негалоснай забароны на правядзенне свята ў Беларусі буйныя вечарынкі напярэдадні Дня ўсіх святых амаль…
Былога дырэктара шклозавода "Нёман" і дзяржаўнага функцыянера Ігара Бацяна прыгаварылі да 12 гадоў калоніі па…