Снимок иллюстрационный. Фото: Руслан Кулевич
За актывістамі 6 жніўня пачалася сачэнне каля дамоў і месцаў іх працы, паведамілі Hrodna.life сваякі затрыманых. Затрымалі валанцёраў у той жа дзень супрацоўнікі міліцыі ў цывільным. Усіх дастаўлялі ў РАУС, іх будуць судзіць.
Сярод затрыманых давераныя асобы Святланы Ціханоўскай Дзмітрый Ціт і Павел Мількоўскі. У той жа дзень супрацоўнікі ДАІ затрымалі валанцёра Алега Пуцілаўскага. У яго ў машыне выявілі каля 10 тысяч агітацыйных улётак за Святлану Ціханоўскую. Аўтамабіль арыштавалі. Суды над актывістамі павінны прайсці 7 жніўня. За якія правапарушэнні - пакуль невядома.
Ва УУС Гродзенскага аблвыканкама затрыманні пакуль ніяк не пракаментавалі.
«Цяпер сочаць і затрымліваюць тых, хто трапляўся на якой-небудзь акцыі напярэдадні выбараў, — распавядае жонка аднаго з затрыманых 6 жніўня. — Сваякі не могуць атрымаць ніякую інфармацыю, мы не ведаем дзе іх трымаюць і што з імі будзе далей. Проста хаваюць ад нас».
Палітычных актывістаў затрымліваюць не толькі ў Гродне. У Слоніме 6 жніўня затрымалі Пятра Крышталя, былога памочніка ініцыятыўнай групы Віктара Бабарыкі па Слонімскім раёне, піша «Газета Слонімская».
Машыну Крышталя спыніў для праверкі супрацоўнік ДАІ. На аўто Крышталя не было налепкі пра допуск да ўдзелу ў дарожным руху, таму супрацоўнік прапанаваў праехаць у РАУС. У пастарунку на Пятра склалі пратакол аб адміністрацыйным правапарушэнні па арт. 23.
4 «Непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў».
У той жа дзень адбыўся суд над Пятром Крышталь. Суддзя вырашыў спыніць адміністрацыйную справу з-за малазначнасці ўчыненага дзеяння. Але з міліцыі Пётр так і не выйшаў - яго адразу ж зноў затрымалі.
— Пятра затрымалі за спробу арганізацыі несанкцыянаванага масавага мерапрыемства, якую ён нібыта здзейсніў раней, — распавяла яго жонка Святлана.
Пётр Крышталь — памочнік ініцыятыўнай групы Віктара Бабарыкі па Слонімскім раёне, прадстаўнік ініцыятывы «Сумленныя людзі» і праекту «Сумленныя назіральнікі».
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…
Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…
«Такіх месцаў і ў свеце не так многа, а ў Беларусі нічога падобнага проста няма», —…
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…