Навіны

У Палацы тэкстыльшчыкаў з’явіцца музей гісторыі і прыроды. Прычына — высокая наведвальнасць

Пасля рамонту ў Палацы тэкстыльшчыкаў размесцяць музей гісторыі і прыроды. Мастацкі музей горада з’явіцца ў правым крыле Новага замка. Такі адказ атрымала ад Гродзенскага аблвыканкама мастацтвазнаўца Наталля Паўленка. Пры праектаванні мастацкай экспазіцыі ў Новым замку правядуць круглы стол для ўсіх ахвотных.

Што будзе ў будынку Палаца тэкстыльшчыкаў?

«Гроднаграмадзянпраект» карэктуе праектна-каштарысную дакументацыю, каб абсталяваць будынак былога Палаца культуры тэкстыльшчыкаў пад музей, паведамілі ва ўпраўленні культуры Гродзенскага аблвыканкама.

Канцэпцыю будучай экспазіцыі распрацаваў Гродзенскі дзяржаўны гісторыка-археалагічны музей. Яна будзе адлюстроўваць гісторыю Гродзеншчыны, а таксама прадставіць найбольш каштоўныя прыродазнаўчыя калекцыі музея. Гэтае рашэнне прынялі на абмеркаванні лёсу будынка 21 чэрвеня 2019 года, паведамілі ва ўпраўленні культуры.

Чытайце таксама:

Чаму так?

У будынку былога Палаца культуры тэкстыльшчыкаў з’явіцца музей гісторыі і прыроды, таму што па выніках аналізу наведвальнасці прыродазнаўчыя і гістарычныя калекцыі застаюцца самымі наведвальнымі ў музеях.

— Экспазіцыі пра гісторыю Гарадзеншчыны і аб прыродзе краю, якія размяшчаліся ў Старым замку, заўсёды былі найбольш запатрабаванымі па параўнанні з іншымі музейнымі аб’ектамі Гродна. На працягу 2018 года іх наведала амаль 108 тыс. чалавек, у 2019 годзе (да закрыцця замка на рэстаўрацыю ў снежні) — звыш 127,5 тыс. чалавек. Групы турыстаў заказвалі ў першую чаргу наведванне экспазіцый гісторыі і прыроды, — паведамілі ва ўпраўленні культуры.

Таму гістарычная і прыродазнаўчая экспазіцыі, якія размесцяцца ў будынку былога палаца культуры Тэкстыльшчыкаў, будуць запатрабаваныя як жыхарамі, так і гасцямі горада, лічаць у аблвыканкаме.

Што з мастацкім музеем у Гродне?

Мастацкую экспазіцыю размесцяць у правым крыле Новага замка, дзе раней знаходзілася Гродзенская абласная навуковая бібліятэка імя Карскага. З гэтым пагадзіліся большасць членаў абласнога філіяла Беларускага саюза мастакоў 15 лістапада 2019 года.

Адкрыццё мастацкай экспазіцыі ў Новым замку дазволіць наведаць экспазіцыі найбольшай колькасці наведвальнікаў, у тым ліку за кошт турыстаў, якія наведваюць комплексныя выставы, лічаць ва ўпраўленні культуры.

Што будзе ў мастацкім музеі?

У планах уладаў сумясціць жывапіс, графіку, скульптуру з экспанаваннем прадметаў дэкаратыўна-прыкладнога мастацтва. Гэта мастацкае шкло, кераміка, тэкстыль.

Ініцыятыўная група па стварэнню мастацкага музея ў Гродне прапанавала правесці круглы стол па пытанні эфектыўнага выкарыстання будынка былога палаца культуры Тэкстыльшчыкаў. Ім адказалі, што гэта не актуальна, таму што з 02.03. 2020 вядуцца работы па праектаванні.

Але пры праектаванні мастацкай экспазіцыі ў Новым замку правядуць круглы стол для абмеркавання канцэпцыі будучай экспазіцыі з прыцягненнем шырокага кола зацікаўленых, паведамілі ў аблвыканкаме.

Ответ Гродненского облисполкома
Ответ Гродненского облисполкома


Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025