Фота: youtube.com
Аляксандр Шышоў у сакавіку 2020 дастаў са скрыні ля абменніка $ 100. Чакаў звароту ад гаспадара, але замест яго праз месяц яго пачала шукаць міліцыя. Аляксандр праз міліцыю знайшоў гаспадара, вярнуў грошы, а на яго завялі крымінальную справу па крадзяжы (ч. 2 арт 205 КК). На першае пасяджэнне 22 ліпеня Аляксандр не з’явіўся меркавана з-за хваробы. Справу аднавілі 3 жніўня. Абвінавачаны зноў не з’явіўся — яго абвясцілі ў вышук.
Справу разглядае суддзя Валерый Шпак. На першае пасяджэнне 22 ліпеня Аляксандр не з’явіўся з-за хваробы, паведамілі ў судзе.
Да 3 жніўня, калі справу аднавілі, абвінавачаны павінен быў падаць дакументы аб прычыне адсутнасці. Яны ў суд Кастрычніцкага раёна не паступілі, паведаміў суддзя. У судзе зрабілі запыт у БХМД, дзе паведамілі, што ў гродзенскія ўстановы аховы здароўя Аляксандр не звяртаўся.
Аляксандру з суда адправілі паведамленне ў Viber, дзе паведамілі пра неабходнасць з’явіцца на пасяджэнне. Мабільны абвінавачанага заблакаваны. Хатні тэлефон па месцы пражывання зняла сястра, якая паведаміла, што ёй невядома, дзе знаходзіцца Аляксандр.
Суду месцазнаходжанне Аляксандра невядомае. Справу прыпынілі, а абвінавачанага абвясцілі ў вышук і заключаць пад варту.
Адвакатка паведаміла, што ёй таксама невядома, дзе знаходзіцца Аляксандра. Ён не выходзіць на сувязь з ёй і з роднымі. У сеціве апошні раз Аляксандр быў 29 ліпеня. Hrodna.life звязацца з ім не ўдалося.
Раней Аляксандр Шышоў не пагадзіўся з кваліфікацыяй яго дзеянняў органамі папярэдняга расследавання па ч.2 арт. Адвакат заявіла хадайніцтва аб спыненні расследавання ў сувязі з адсутнасцю ў дзеяннях Аляксандра складу злачынства. Хадайніцтва не задаволілі.
Па арт. 205 КК (Крадзеж) вінаватых караюць грамадскімі працамі, або штрафам, або папраўчымі работамі на тэрмін да двух гадоў, або арыштам, або абмежаваннем волі на тэрмін да трох гадоў, або пазбаўленнем волі на той жа тэрмін.
Чытайце падрабязней: В тюрьму за $ 100: как вернуть деньги владельцу и попасть в СИЗО
Гродненца, который поднял из урны и вернул владельцу 100 $, начали судить за кражу
У Навагрудку завяршаецца пяты этап рэканструкцыі замка. Тут з'явіліся фартыфікацыйныя сцены з высокай металічнай брамай…
Курсанта Акадэміі МУС, 21-гадовага Іллю Нарышкіна, асудзілі на 15 гадоў пазбаўлення волі ў калоніі ўзмоцненага…
У Гродне на продаж выставілі старую воданапорную вежу ў мікрараёне Фолюш. Паводле ўмоў аўкцыёна, там…
Анестэзіёлаг-рэаніматолаг з 3-й мінскай дзіцячай бальніцы публікавала ў Х (Twitter) пасты пра сваю нянавісць да…
Пасля негалоснай забароны на правядзенне свята ў Беларусі буйныя вечарынкі напярэдадні Дня ўсіх святых амаль…
Былога дырэктара шклозавода "Нёман" і дзяржаўнага функцыянера Ігара Бацяна прыгаварылі да 12 гадоў калоніі па…