Подпісы у Цэнтрвыбаркам здалі сем прэтэндэнтаў у кандыдаты — Аляксандр Лукашэнка, Віктар Бабарыка, Святлана Ціханоўская, Валер Цапкала, Сяргей Чэрачань, Ганна Канапацкая і Андрэй Дзмітрыеў, паведамілі *.by.
Колькасць здадзеных подпісаў у ЦВК агучваць не сталі, хоць раней Ярмошына абяцала назваць лічбы.
«20 чэрвеня цэнтральная камісія размесціць на сваім сайце інфармацыю пра тое, колькі ж кандыдатаў змаглі пераадолець неабходную планку і сабраць больш за 100 тысяч подпісаў», — казала яна 18 чэрвеня ў відэазвароце.
Пра колькасць здадзеных подпісаў, а таксама прынятых і забаракаваных ЦВК стане вядома 30 чэрвеня.
Кіраўнік ЦВК таксама паведаміла «Інтэрфакс-Захад», што па стане на раніцу 22 чэрвеня поўны пакет дакументаў для рэгістрацыі прадаставіў толькі Бабарыка.
