22 чэрвеня Бранскі тэатр драмы выпусціў відэа, у якім распавёў пра трупу акцёраў зніклых у Гродне ў першы дзень вайны ў 1941 годзе. Невялікі фільм агучвалі сучасныя акцёры тэатра.

У красавіку 1941 года акцёры Бранскага тэатра драмы імя Маякоўскага паехалі ў гастролі па Беларусі. У чэрвені трупа апынулася ў Гродне. 21 чэрвеня, за дзень да нападу Нямеччыны на СССР, акцёры прадставілі прэм’ерны спектакль «Машенька» паводле п’есы Афінагенава. Ён быў апошнім. Акцёры пасля невялікага адпачынку планавалі выязджаць з Гродна.


Чытайце таксама: Приехали на гастроли и пропали: как в 1941-м труппа брянского театра исчезла в Гродно


На наступны дзень пачалася вайна. Кіраўнікі трупы вырашылі сыходзіць у бок Мінска, але немцы так хутка рухаліся, што нагналі іх. Вядома, што трупа трапіла ў канцлагер пад Мінскам. Кагосьці расстралялі, а хтосьці змог вызваліцца. З 70 артыстаў дадому вярнуліся толькі 11. Лёс астатніх дагэтуль невядомы.

Чытайце таксама: Судьба связала с Гродно: в 1941-м брянские актеры бежали из города, а потом вернулись возрождать театр

Рэпарцёр, фатограф, краязнаўца. Самы хуткі журналіст Гродна на ровары. Руслана і яго ровар ведаюць многія гараджане: ад чыноўнікаў да бамжоў. Падчас службы ў войску быў разведчыкам, а цяпер даказвае, што выведнік былым не бывае. Працуе ў Hrodna.life з 2013 года, калі сайт яшчэ працаваў пад брэндам «Твой стыль». У канцы 2018 выдаў кнігу «Горад адзін, успаміны розныя», дзе сабраў успаміны гродзенцаў пра 1930−40-я гады.