АБНОЎЛЕНА. У Іўеўскім раёне ўвялі абавязковае нашэнне маскі ў грамадскіх месцах. Установам і гандлёвым кропкам забаранілі абслугоўваць пакупнікоў без масак, паведамляла раённая газета ivyenews.by 26 траўня. З часу нашай публікацыі 28 траўня крыніца адрэдагавала навіну — цяпер, паводле яе, нашэнне масак мае рэкамендаўчы характар.

Акрамя таго ўведзена абмежаванне на колькасць наведвальнікаў, якія адначасова могуць знаходзіцца ў крамах, кавярнях, аптэках, аддзяленнях банкаў, сувязі, пошты ды іншых такіх месцах. У памяшканнях неабходна выконваць сацыяльную дыстанцыю.

Новая мера ўведзена ў сувязі з «пагаршэннем эпідэміялагічнага становішча ў Іўеўскім раёне па каранавіруснай інфекцыі», адзначана на сайце раённай газеты 26 траўня.

Чытайце таксама: Абласны цэнтр гігіены: У Гродне ў крамы будуць пускаць толькі ў масках і пальчатках

Паводле звестак Міністэрства аховы здароўя, па стане на 2 ліпеня ў Беларусі пацверджана 62 698 выпадкі каранавіруса, ачунялі 48 738 пацыенты, памёрлі 405 чалавек.