"Агульная дыктоўка", 2019 год / lidskae.by
Акцыя ў падтрымку беларускай мовы «Агульная дыктоўка» пройдзе 6 чэрвеня цалкам дыстанцыйна — праз YouTube. Сёлета «Агульная дыктоўка» дасць магчымасць кожнаму беларусу не толькі праверыць валоданне мовай, але і зрабіць свой унёсак у барацьбу супраць COVID-19.
Арганізатар праекта ААТ «Лідскае піва» плануе за кожнага ўдзельніка дыктоўкі перелічыць 5 BYN на дабрачынны рахунак Міністэрства аховы здароўя, а таксама неабазначаныя на сайце дадатковыя сумы за ўсіх, хто атрымае 9 і 10 балаў па выніках дыктоўкі.
«Агульная дыктоўка» будзе транслявацца 6 чэрвеня ў прамым эфіры на YouTube. Тэма дыктоўкі — нашы традыцыі і карані, каштоўнасці, якія яднаюць.
Каб узяць удзел, трэба да 4 чэрвеня зарэгістравацца на сайце арганізатара. Спасылку на трансляцыю дашлюць на e-mail.
Праект «Агульная дыктоўка» накіраваны на папулярызацыю беларускай мовы, гуртаванне ўдзельнікаў і пошук аднадумцаў па інтарэсах.
Летась дыктоўку пісалі ў Нацыянальнай бібліятэцы Беларусі або анлайн.
Упершыню «Агульная дыктоўка» прайшла ў 2017 годзе ў Нацыянальнай бібліятэцы. У розны час праект падтрымлівалі група Naviband, SHUMA, акцёры Купалаўскага тэатра, рэжысёр Іван Пінігін, пісьменнікі Андрусь Горват і Людміла Рублеўская. У 2019-м асноўнае мерапрыемства суправаджала радыётрансляцыя, дзякуючы чаму да праекта далучыліся і беларусы ЗША, Польшчы, Расіі і Украіны.
У гэтым годзе «Агульная дыктоўка» ўпершыню пройдзе выключна ў анлайн-фармаце.
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…