Мітынг і ўскладанне кветак да помніка загінулым воінам і партызанам у парку Жылібера прайшлі ў Гродне з нагоды 75-годдзя заканчэння Вялікай Айчыннай вайны. Нягледзячы на ​​рэкамендацыі медыкаў, на свяце прысутнічалі два ветэраны ВАВ.

Свята Перамогі прайшло без традыцыйных народных гулянняў,
выстаў ваеннай тэхнікі і ўрачыстага маршу войскаў Гродзенскага гарнізона. Гарадскія ўлады абмежаваліся толькі невялікім мітынгам і ўскладаннем кветак да брацкай магілы.

Гродзенскі актывіст Мікалай Салянік, заручыўшыся падтрымкай сваякоў і журналістаў, таксама прыйшоў ускласці кветкі. Ужо традыцыйна ў гэты дзень за актывістам сочаць супрацоўнікі міліцыі. Гэтым разам абышлося без затрыманняў. Салянік усклаў кветкі і каля хвіліны прастаяў з плакатам, у якім падзякаваў сваім сваякам за перамогу ў вайне.

Пра затрыманне на 9 траўня паведаміў толькі адзін гродзенец, які вырашыў прыйсці ў мэтах бяспекі ў процігазе. З ім правялі гутарку і адпусцілі.

Чытайце таксама:

К гродненцам, которые поддержали блогера Тихановского, начинает приходить милиция

Без масок, но с оркестром. В Гродно ветеранов поздравляют с Днем Победы

Рэпарцёр, фатограф, краязнаўца. Самы хуткі журналіст Гродна на ровары. Руслана і яго ровар ведаюць многія гараджане: ад чыноўнікаў да бамжоў. Падчас службы ў войску быў разведчыкам, а цяпер даказвае, што выведнік былым не бывае. Працуе ў Hrodna.life з 2013 года, калі сайт яшчэ працаваў пад брэндам «Твой стыль». У канцы 2018 выдаў кнігу «Горад адзін, успаміны розныя», дзе сабраў успаміны гродзенцаў пра 1930−40-я гады.