Візавы цэнтр ў Гродне аднаўляе працу

З 11 траўня візавыя цэнтры Польшчы ў Мінску, Брэсце і Гродне аднаўляюць прыём дакументаў на візы ў Польшчу. Але не для ўсіх, паведамляе vfsglobal.com. Іншыя візавыя цэнтры пакуль будуць зачыненыя.

Падаць дакументы на візу можна на працу. Гэта могуць зрабіць асобы, працаўладкаваныя ў Польшчы, якія маюць сапраўдны дазвол на працу, заяву аб прадастаўленні працы замежніку на тэрыторыі Рэспублікі Польшча, сезонны дазвол на працу. А таксама ўладальнікі карт паляка і кіроўцы міжнародных перавозак.

Калі вы плануеце ўезд у Польшчу ў іншых мэтах, прыйдзецца пачакаць адпаведнага рашэння.

Улічваючы эпідэміялагічную абстаноўку, кліентам рэкамендуецца падаваць дакументы ў візавыя цэнтры па тэрытарыяльнай юрысдыкцыі згодна з іх месцам пражывання. Кліентам неабходна з’яўляцца ў візавы цэнтр строга па часе і даце рэгістрацыі ў мэтах забеспячэння эпідэміялагічнай бяспекі.

Кліентам, якія раней запісаліся на падачу такіх віз на даты з 17 сакавіка па 8 траўня, неабходна ў тэрмін да 8 траўня паведаміць у візавы цэнтр аб сваім намеры падаць дакументы. Для гэтага неабходна напісаць ліст на электронную пошту адпаведнага візавага цэнтра.

У сувязі з эпідэміялагічнай сітуацыяй у свеце, перасякаць мяжу Польшчы маюць права

— грамадзяне Рэспублікі Польшча;

— асобы, якія з’яўляюцца мужам і жонкай або дзецьмі грамадзян Рэспублікі Польшча або знаходзяцца пад іх пастаянным наглядам;

— асобы, якія маюць Карту паляка;

— кіраўнікі дыпламатычных прадстаўніцтваў і супрацоўнікі дыпламатычнага і консульскага персаналу місіі, то бок асобы, якія маюць дыпламатычны званне, і члены іх сем’яў;

— асобы, якія маюць права пастаяннага або часовага пражывання на тэрыторыі Рэспублікі Польшча;

— асобы, якія маюць права працаваць на тэрыторыі Рэспублікі Польшча, гэта значыць замежнікі, якія маюць права працаваць на тых жа ўмовах, што і польскія грамадзяне, якія маюць дазвол на працу, сезонны дазвол на працу, заяву аб прадастаўленні працы замежніку на тэрыторыі Рэспублікі Польшча;

— у асабліва абгрунтаваных выпадках, не названых вышэй, камандзір памежнага паста пасля атрымання згоды начальніка памежнай службы можа дазволіць замежніку ўязджаць на тэрыторыю Рэспублікі Польшча ў парадку, устаноўленым Законам ад 12 снежня 2013 года аб іншаземцах (2020 г., п. 35);
— асобы, якія кіруюць транспартным сродкам, што выкарыстоўваецца для перавозкі тавараў.

Усе ўязджаючыя ў Польшчу павінны будуць прайсці 14-дзённы каранцін (за выключэннем некаторых прафесійных груп, такіх як: кіроўцы міжнародных перавозак, экіпажы самалётаў, экіпажы цягнікоў).

Падзяліцца

Апошнія запісы

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025