Навіны

Назіральнай пляцоўкі на вежы ў Румлёва не будзе. Праект не адпавядае статусу парку

Праект выкарыстання старадаўняй вежы ў Румлёўскім парку не будзе рэалізаваны. Ён не адпавядае статуту помніка прыроды, які ёсць зараз у парка. Пра гэта распавялі Hrodna.life ва ўпраўленні архітэктуры і горадабудаўніцтва Гродзенскага гарвыканкама.

— АУНА [справаздача аб ацэнцы ўздзеяння на навакольнае асяроддзе — рэд.] адхіленая. Праект рэалізоўваць нельга. Участак з вежай застаецца ў пакупніка. Яму прапанавалі перапрацаваць праект з улікам ахоўнага статусу тэрыторыі, — распавялі ва ўпраўленні.

Калі Hrodna.life звязваўся з уладальнікам, той яшчэ не ведаў, што яго праект адхілілі. Як ён плануе перапрацаваць яго, пакуль невядома.

Што там планавалі зрабіць?

У 2017 годзе закінуты будынак за 18 448 рублёў выкупіла гродзенская будаўнічая кампанія «БелБурБуд». Пакупнік распрацаваў праект рэканструкцыі.

З вежы хацелі зрабіць назіральную пляцоўку. Таксама там магло з’явіцца адміністрацыйнае памяшканне для мінімум шасці чалавек. Каб стварыць назіральную пляцоўку, над вежай прапаноўвалі надбудаваць лёгкую кансольную канструкцыю. Ля вежы прапаноўвалі зрабіць стаянку і фотазоны.

Чаму эколагі і краязнаўцы былі супраць?

Да вежы прапаноўвалі падвесці інжынерныя камунікацыі. Менавіта гэта стала прычынай абурэння эколагаў.

«Вежа стаіць на ўзроўку, які мае рухомы грунт, і пад ёй знаходзяцца дзве крыніцы. Пастаянная эксплуатацыя вежы і пастаяннае напружанне на аб’ект можа прывесці да руху схілу. Я назіраю за Фамічоўскім схілам ужо 20 гадоў і ведаю пра што кажу. Пад вежай знаходзіцца акацыевы гай і выкарыстанне вежы можа знішчыць алею канца 18 стагоддзя», — казаў на сустрэчы па абмеркаванні АУНА краязнаўца Віталь Гуменны. Намеснік старшыні Гродзенскага гарадскога выканаўчага камітэта Андрэй Жук прапанаваў уласніку ўзяць паўзу і дапрацаваць праект з выкарыстаннем атрыманай інфармацыі.

Калі парк Румлёва атрымаў новы статус?

Улетку 2019 года помнік прыроды мясцовага значэння «Лесапарк «Румлёва» пераўтварылі ў батанічны помнік прыроды мясцовага значэння з такой жа назвай. На ўсёй тэрыторыі плошчай больш за 90 гектараў увялі асаблівы рэжым аховы і выкарыстання.

Зараз на яго тэрыторыі нельга будаваць новыя аб’екты, за выключэннем інжынерных і транспартных камунікацый, прычалаў для лодак, збудаванняў для ўладкавання і добраўпарадкавання пляжаў і зон адпачынку, экалагічных сцежак. Як казалі ў гарвыканкаме, новы статус дапаможа захаваць лесапарк у першапачатковым выглядзе, умяшанне чалавека ў экасістэму будзе мінімальным.


Чытайце таксама: У Румлево изменился статус. Теперь тут нельзя выгуливать собак


Даведка

Воданапорная вежа ў Румлёўскага парку была пабудавана ў канцы XIX стагоддзя. Гэта адзіная пабудова, што захавалася ў Румлёва, дзе калісьці быў панскі маёнтак з вялікім паркам, знаходзіліся царскія, а потым польскія вайсковыя часткі. Яна стаіць на самым краі стромкага схілу — заходняй мяжы лесапарку. Яе пабудавалі ў 1880-х, а ў 1930-х рэканструявалі польскія вайскоўцы.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025