У Мінск увечары 1 красавіка даставілі гуманітарны груз з Кітая. У ім — рэагенты для правядзення тэстаў на выяўленне каранавіруса і сродкі абароны для медыкаў, паведаміў афіцыйны Тэлеграм-канал Міністэрства аховы здароўя.
У складзе грузу — тэсты, медыцынскія ахоўныя касцюмы, інфрачырвоныя тэрмометры, ахоўныя акуляры, аднаразовыя пальчаткі і бахілы.
«Тэсты будуць накіраваны ў РНПЦ эпідэміялогіі і мікрабіялогіі. А сродкі абароны — у першую чаргу ў тыя бальніцы, дзе найбольшая колькасць пацыентаў. Гэта інфекцыйная бальніца, 6-я клініка — непасрэдна тым, каму гэта цяпер неабходна», — распавёў намеснік міністра аховы здароўя Беларусі Барыс Андрасюк.
Пасол Кітая ў Беларусі Цуй Цымін растлумачыў, што гэтая гуманітарная дапамога — толькі першая партыя. Амбасада рыхтуецца набыць 10 тыс. тэст-сістэм з рэагентамі для выяўлення каранавіруса, арганізуе закупку масак, ахоўнага адзення, інфрачырвоных тэрмометраў, пульсаксіметраў і іншых медыцынскіх матэрыялаў у падарунак беларускаму боку.
Таксама Кітай накіруе ў Беларусь групу медыцынскіх экспертаў - для абмену вопытам і кансультацый.
Паводле інфармацыі kommersant.ru, Беларусь і іншыя краіны постсавецкай прасторы папрасілі дапамогі ў Расіі ў барацьбе з распаўсюджваннем каранавіруса. Беларусь накіравала афіцыйныя запыты з просьбай выдзеліць ахоўныя маскі, тэставыя сістэмы, апараты ШВЛ.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…