Навіны

Як добраўпарадкуюць даліну Гараднічанкі ў Гродне

Інстытут «Гроднаграмадзянпраект» распрацоўвае план добраўпарадкавання прытоку Нёмана. Некаторымі малюнкамі і ідэямі галоўны архітэктар праекта падзяліўся з grodnonews.by.

— Добраўпарадкаванне набярэжнай Гараднічанкі намечана ў межах ад вуліцы Віленскай да яе ўпадзення ў Нёман, — распавядае галоўны архітэктар праекта Аляксандр Сомаў. — Гэта месца, якое найбольш часта падтапляецца.

Мост праз Гараднічанку ля яе ўпадзення ў Нёман, побач з вуліцай Рабочай, будуць рэканструяваць у першую чаргу. Яго фактычна пабудуюць нанова. Рэканструкцыя закране і тры пешаходных мастка. Праект прадугледжвае поўнае абнаўленне адхонаў ракі, пашырэнне яе рэчышча і ўмацаванне берагоў.

Раён вуліцы Рабочай павінен ператварыцца ў месца для адпачынку: у плане прадугледжаны пешаходныя дарожкі, альтанкі і водныя каскады.

Праект прадугледжвае знос некаторых дамоў. На думку мясцовых уладаў, некалькі дамоў знаходзяцца на небяспечным участку ў непасрэднай блізкасці ад Гараднічанкі. Падчас ліўняў падтапляе дамы і ўчасткі, а ў мінулым годзе паток вады знёс бетонны масток. Спачатку чыноўнікі абяцалі яго аднавіць, але потым перадумалі.


Чытайце таксама: Берег Городничанки благоустроят. Возможно, за счет тех, кто там живет


Згодна з апублікаваным эскізам, плануецца знесці дамы 17, 19, 23 і 25 па вуліцы Рабочай і дамы 2 і 6 па вуліцы Завяршчызна. На гэтым месцы плануецца стварыць зону адпачынку з востравам пасярод ракі, воднымі каскадамі і фантанамі, а таксама кафэ з адкрытай назіральнай пляцоўкай.

Цікава, што на эскізе бачная вуліца-дублёр Вялікай Траецкай, ад будаўніцтва якой улады адмовіліся.

Частка дамоў, якія стаяць у самой нізіне, часта затаплівала пасля ліўняў. Яны запланаваныя да зносу і ўжо адселеныя. Падчас аднаго з прыёмаў старшыня аблвыканкама Уладзімір Краўцоў растлумачыў жыхарам вуліцы Рабочай, гэта гістарычны цэнтр горада, тут бываюць турысты, і тэрыторыю трэба добраўпарадкаваць.

Дамы на Рабочай плануецца знесці з 1973 года. Жыхарам нельга рабіць капітальны рамонт, прыбудовы, а таксама рэгістраваць людзей.


Чытайце таксама:

Прыбяруць мост і пашыраць раку. Горад узяўся за Гараднічанку?

Набережная, за которую нам стыдно. Почему нужно привести в порядок дорогу у Коложи как можно быстрее

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025