Увечары 29 сакавіка на ўездзе на Стары мост пацярпеў веласіпедыст. На тратуары ён спрабаваў аб’ехаць пешаходаў, але на хуткасці ўрэзаўся ў слуп. Мужчыну забралі ў лякарню.
Уезд на Стары мост з боку «Прыёрбанку» — праблемнае месца для многіх веласіпедыстаў у Гродне. Наезды на пешаходаў і сутыкненні са слупам там адбываюцца часта.
«Трэба штосьці рабіць, гэта месца небяспечнае для пешаходаў і веласіпедыстаў, — распавядае відавочца здарэння Ірына Варкулевіч. — Мужчына урэзаўся ў слуп, таму што не змог разысціся з пешаходамі. А іх было двое, яны калі яго ўбачылі, то разышліся. А ён накіраваў свой ровар у слуп, каб іх не збіць. І з-за гэтага моцна пацярпеў. Мужчыну забралі ў лякарню. І гэта не першы раз такое адбываецца тут, я тут жыву і ўсё бачу. У нас у горадзе патрэбныя спецыялізаваныя веладарожкі, інакш праблему не вырашыць».
У «ВелаГродна» пра праблему на ўездзе на Стары мост ведаюць, але зварот у гарвыканкам з гэтай нагоды яшчэ ніхто не накіроўваў.
«У першую чаргу, вінаватыя праектыроўшчыкі. Яны малююць на паперы, але не думаюць, што па горадзе перасоўваюцца розныя групы людзей, — распавядае прадстаўнічка «ВелаГродна» Юлія Каляда. — Паставілі слуп пасярод тратуара і стварылі перашкоду і нязручнасці для веласіпедыстаў, пешаходаў і маламабільных груп.
У другую чаргу, можна казаць пра веласіпедыстаў, якія не сочаць за сваёй хуткасцю, ведаючы пра тое, што на іх шляху стаіць такі небяспечны элемент. У гэтым выпадку пашанцавала, што ніхто не ўпаў на дарогу, дзе ездзяць машыны. Трэба выконваць хуткасны рэжым і праязджаць гэта месца акуратна. Гэта не толькі для сваёй бяспекі, але і людзей, якія там рэгулярна ходзяць.
Ну і гарадскім уладам трэба задумацца, як вырашыць праблему са слупам на тратуары. Спадзяюся, яны звернуць увагу на гэты матэрыял".
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…