Навіны

32 бацькі падтрымалі выкладчыка, якога судзяць за марыхуану

У судзе Ленінскага раёна трэці тыдзень разглядаюць справу аб выкладчыку робататэхнікі, які, па версіі дзяржабвінавачання, схіляў да ўжывання марыхуаны і ЛСД сваіх вучняў. Выкладчык распавёў, чаму не адразу пачаў даваць паказанні па справе.

«Мне „круцілі“ педафілію. Я змяніў 30 камер»

Абвінавачаны распавёў, што першапачаткова пры затрыманні супрацоўнікі казалі, што яго абвінавацяць у педафіліі. Таму ён «закрыўся» і не стаў даваць паказанні. Кажа, што не давяраў супрацоўнікам.

— У турме мяне таксама «круцілі» па педафіліі. Я змяніў 30 камер, — кажа абвінавачаны. Распавядае, што абвясціў галадоўку і галадаў дзевяць дзён, потым трапіў у карцар.

Адвакат паказаў дакументы, з якіх вынікае, што супрацоўнікамі гэтая версія правяралася ўжо падчас следства, калі абвінавачаны быў пад вартай.

Праверылі эфект ад палыну

Абвінавачаны раней казаў, што з дзецьмі ён курыў толькі палын і шалфей. Законныя прадстаўнікі пацярпелых распавялі, што пасля дачы паказанняў адна з іх купіла ў аптэцы палын і шалфей, каб супаставіць апісаны дзецьмі эфект з рэальным.

Пацярпелы сказаў, што пах супаставіць не можа, а на выгляд рэчыва падобна на тое, што ён курыў разам з абвінавачаным.

Суддзя зноў удакладніў, якім тады чынам канабіёіды з’явіліся ў мачы пацярпелага. Той сказаў, што, магчыма, вучань надыхаўся марыхуанай у кабінеце. Альбо вінаватыя рэшткі рэчыва на піпетцы для палення. Спецыяліст па гэтай тэме сказаў, што такіх даследаванняў не праводзілася, таму ён не можа ні абвергнуць, ні пацвердзіць версію.

Судовае следства набліжаецца да завяршэння

Зараз абодва бакі рыхтуюцца да спрэчак. Акрамя іншых дакументаў, адвакат папрасіў далучыць да справы ліст-характарыстыку ад бацькоў вучняў, якія ў яго займаліся. Яго падпісалі 32 чалавекі.

У лісце гаворыцца, што абвінавачаны — вопытны педагог, адказны, які выкарыстоўвае асобасную накіраванасць навучання.

У судзе абвешчаны перапынак. Hrodna.life будзе сачыць на працэсам.


Чытайце таксама:

«Дзеці па ім млелі». Бацькі стаяць гарой за выкладчыка робататэхнікі, якога «ўзялі» за марыхуану

Судзяць выкладчыка робататэхнікі, які частаваў марыхуанай вучняў

«Падабалася і ўсё». Суд апытаў вучняў, якіх выкладчык частаваў марыхуанай

«Мы курили полынь». Преподаватель с марихуаной дал показания в суде

Наркакантроль распавёў, як затрымлівалі выкладчыка, які частаваў марыхуанай вучняў

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025