Навіны

Што рабіць, калі захварэлі, і як цяпер будуць працаваць паліклінікі. Інструкцыя ад Мінздароўя

Прэс-служба Міністэрства аховы здароўя апублікавала інструкцыю для паліклінік і пацыентаў на час пандэміі каранавіруса COVID-19.

Калі вы захварэлі

Калі Вы захварэлі са з’яўленнем сімптомаў (павышэнне тэмпературы, кашаль, абцяжаранае дыханне, закладзенасць носа г. д.), заставайцеся дома і патэлефануйце ў рэгістратуру, стол даведак або кол-цэнтр установы аховы здароўя па месцы жыхарства (месцы знаходжання).

У размове з работнікам ўстановы:

1) Раскажыце, што Вас турбуе.

2) Пакіньце кантакты (прозвішча, імя, адрас, тэлефон).

3) З Вамі звяжацца медыцынскі работнік — прытрымлівайцеся яго ўказанням.

У амбулаторна-паліклінічных установах арганізаваны асобныя ўваходы і кабінеты для прыёму пацыентаў з тэмпературай і сімптомамі вострай рэспіраторнай інфекцыі.

Калі вам трэба прайсці планавыя абследаванні

Праходжанне дыспансерызацыі, рэабілітацыі, лабараторныя і інструментальныя даследаванні ў планавым парадку, у тым ліку флюараграфію органаў грудной клеткі, ЭКГ, холтераўское манітараванне, увядзенне ін'екцыйных лекавых сродкаў праз працэдурны кабінет часова адкладзеце.

Калі трэба выпісаць рэцэпты

Калі Вы маеце патрэбу ў выпісцы рэцэптаў на лекавыя сродкі для пастаяннага прыёму, раней прызначаныя лекарам, патэлефануйце ў рэгістратуру, стол даведак або кол-цэнтр ўстановы аховы здароўя па месцы жыхарства, пакіньце кантакты (прозвішча, імя, адрас, тэлефон), з Вамі звяжацца медыцынскі работнік, які арганізуе выпіску і дастаўку рэцэптаў на дом.

Калі Вы старэйшыя за 60 гадоў і маеце патрэбу ў аглядзе медыцынскага работніка ў сувязі з пагаршэннем самаадчування, патэлефануйце ў рэгістратуру, стол даведак або кол-цэнтр ўстановы аховы здароўя па месцы жыхарства, паведаміце пра гэта, пакіньце кантакты (прозвішча, імя, адрас, тэлефон), на працягу працоўнага дня з Вамі звяжацца медыцынскі работнік і ўзгодніць час для візіту на дом.

Пазбягаючы планавага наведвання устаноў аховы здароўя, Вы дазволіце гэтым установам працаваць больш эфектыўна і дапаможаце абараніць Вас і іншых ад магчымага заражэння і распаўсюджвання COVID-19 інфекцыі.

Калі трэба зрабіць выпіску

З мэтай рэалізацыі пункта 9 дадатка 4 да загаду Міністэрства аховы здароўя Рэспублікі Беларусь ад 16.03.2020 № 296 «Аб мерах па арганізацыі аказання медыцынскай дапамогі пацыентам з прыкметамі рэспіраторнай інфекцыі і прыняцці дадатковых супрацьэпідэмічных мер у арганізацыях аховы здароўя» рэкамендавана арганізаваць афармленне выпісак з медыцынскіх дакументаў па анлайн заяўках на інтэрнэт-сайтах устаноў з наступнай выдачай іх пацыентам пры прад’яўленні дакумента, які сведчыць асобу, у асобна адведзеным месцы.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025