Скрын з кліпу
Старшыня Следчага камітэта Іван Наскевіч ў праграме «Неделя» на канале СТВ распавёў пра магчымыя змены ў Крымінальным кодэксе. Так, адна з прапаноў Наскевіча тычыцца крыптавалют: напрыклад, калі злачынства датычыцца крыптавалюты, то ўзнікае неабходнасць забраць яе — а зараз зрабіць гэта нельга, піша Onliner.by.
Акрамя гэтага, старшыня СК нагадаў, што выступаў за змякчэнне пакарання за распаўсюд матэрыялаў парнаграфічнага характару, калі гаворка ідзе пра сітуацыі тыпу «паставіў лайк відэа»:
— Мы зыходзім з таго, што такога кшталту дзеянні валодаюць невысокай грамадскай небяспекай і іх можна адрэгуляваць адміністрацыйна-прававымі метадамі. З улікам таго, што зараз ідзе грамадскае абмеркаванне новай рэдакцыі Адміністрацыйнага кодэкса, я мяркую дарэчным вярнуцца яшчэ раз да разгляду гэтага пытання і такога роду дзеянні рэгуляваць у межах адміністрацыйнага кодэкса.
Тычыцца гэта не канкрэтна лайкаў, але яшчэ і, напрыклад, рэпоста відэа і іншага «дарослага» кантэнту. Аднак пры такім жа паўторным парушэнні закону ўжо давядзецца адказваць па крымінальным артыкуле.
Іншы нюанс: пры аглядзе месца здарэння і ператрусе спецыялістам могуць дазволіць капіраванне інфармацыі з электронных носьбітаў, у той час як цяпер прылады іх забіраюць, і гэта часам можа паралізаваць дзейнасць суб’ектаў гаспадарання.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…