Вершы сваіх улюбёных паэтаў прачытаў 7 сакавіка на фестывалі Pradmova ў Гродне пісьменнік, паэт і спявак Віктар Шалкевіч. У яго выкананні прагучалі вершы на польскай і чэшскай мовах, творы беларускіх аўтараў і ўласныя вершы.

Віктар Шалкевіч, фестываль Pradmova

Для Hrodna.life Віктар Шалкевіч раскрыў таксама падрабязнасці пра два анансаваныя канцэрты ў Гродне, запланаваныя на 19 і 20 сакавіка.

Шалкевіч чытае вершы

Канцэрт Шалкевіча з «гарадзенскай» праграмай

У першы вечар, 19 сакавіка, Шалкевіч прапануе тыпова гарадзенскую праграму: «Аказваецца, у мяне набралася вельмі многа песень і па-просту, і па-польску, пра Гродна. Гэта будзе нармальны вялікі гарадзенскі вечар».

Віктар Шалкевіч, фестываль Pradmova

Сярод гродзенскіх твораў Шалкевіч ўзгадаў «У Гародні дождж», «Балада о дзевчыне Гражыне з уліцы Пясковай», «Дзяўчына з Палестыны», «Ля Каложскай царквы» і многія іншыя.

Салянка ад Шалкевіча

Канцэрт 20 сакавіка будзе салянкай з усяго: «Музыканты гатовыя, у нас усе ноты (і хады) запісаныя, — жартуе Шалкевіч. — Застаецца толькі сесці і сыграць, вось і ўсё».


Чытайце таксама: «Гэта голас Гародні». Гродзенцы расказалі, што для іх значыць Шалкевіч


Абодва канцэрты пройдуць у Цэнтры гарадскога жыцця. Дамовіцца з большымі канцэртнымі пляцоўкамі не атрымалася.

«Таму я больш люблю ліберальны Мінск, дзе можна спакойна заспяваць у цэнтры горада, у Палацы прафсаюзаў. А тут, у Гродне, усё занята».

Да слова, апошні дазволены канцэрт барда ў Гродне адбыўся ў 2017 годзе.

Віктар Шалкевіч, фестываль Pradmova

Чытайце таксама:

Любіў «дзюдзікі» і ніколі не скардзіўся. 10 цытат з Pradmova, каб зразумець магію Караткевіча

Перадрук матэрыялаў Hrodna.life магчымая толькі з пісьмовага дазволу рэдакцыі. Кантакт info@hrodna.life

Рэдактарка спецпраектаў, рэпарцёрка, фатографка і відэографка. У журналістыцы з 2015 года. Удзельнічала ў распрацоўцы канцэпцыі рэбрэндынгу выдання «Твой стыль» і стварэнні «Hrodna.life». Паводле адукацыі Ірына інжынер-механік, таму не цураецца тэхнічна-складаных фарматаў.

Найчасцей піша сацыяльныя рэпартажы. Любімая справа — вынаходзіць ровар і ставіць амбітныя мэты для ўсіх, хто не паспеў схавацца.

Матэрыялы Ірыны Новік былі адзначаны дыпломамі многіх конкурсаў.