«Гродназелянбуд» плануе вясной высадзіць у абласным цэнтры амаль 1600 дрэў і каля 2500 хмызнякоў. Дзякуючы цёплай зіме на першую дэкаду сакавіка ў Ленінскім раёне высаджана 180 дрэў і чатыры сотні хмызнякоў. Ліпы, клёны, бярозы з’явіліся на вуліцах Ліможа, Дубко і Заводская, паведамляе grodnonews.by.
З прыходам больш ўстойлівага цяпла пачнецца актыўная пасадка дрэў у скверы на вуліцы Курчатава. Тут запланавана азеляніць свабодныя ўчасткі больш чым 120 дрэвамі розных парод, якія пасуюць для ўмоў буйнога горада. Вялікія аб’ёмы работ па пасадцы дрэў запланаваны і на вуліцах Мясніцкая, Церашковай. На вуліцах Белыя Росы і Малышчынская ў мікрараёне Дзевятоўка маладымі дрэўцамі будуць абсаджаны пешаходныя зоны.
Засушлівыя гады адмоўна паўплывалі на кампенсацыйныя пасадкі ў раёне вуліцы Шчорса, дзе на месцы былога ваеннага гарадка пабудаваны жылы комплекс. Але не ўсе дрэўцы прыжыліся. Цяперашняй вясной новую пешаходную зону ў раёне вуліц Пралетарская-Шчорса ўпрыгожаць 50 маладых дрэў.
Як паведаміў першы намеснік кіраўніка адміністрацыі Кастрычніцкага раёна Сяргей Сарока, будуць працягвацца работы па фарміраванні новага сквера на праспекце Янкі Купалы ў раёне гарадской клінічнай бальніцы № 4 і санітарнай ачысткі. Працягнецца навядзенне парадку ў скверы Ласасянка мікрараёна Фолюш, дзе з’явіцца яшчэ адна алея з 50 дрэў. У скверы па вуліцы Леванабярэжнай пасадзяць 30 дрэў.
Як паведамілі ў абласным камітэце прыродных рэсурсаў і аховы навакольнага асяроддзя, мерапрыемствы па азеляненні населеных пунктаў ўключаюцца ў рэспубліканскі, абласны і раённыя планы па навядзенні парадку на зямлі і добраўпарадкаванн. населеных пунктаў. У 2020 годзе на тэрыторыі вобласці запланавана высадзіць 6570 дрэў і 6360 кустоў, у тым ліку ў Гродне будзе праведзена пасадка амаль 3400 дрэў і каля 3200 хмызнякоў.
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…