У Палацы піянераў адкрыюць абноўлены басейн і спартзалу

Да 1 верасня ў абласным Палацы творчасці дзяцей і моладзі адкрыюцца басейн і спартзала. Абноўлены басейн са спартовым комплексам стане адным з лепшых у Гродна. Асноўная яго чаша будзе памерам 25 на 12 метраў з чатырма плавальнымі дарожкамі. Тут змогуць займацца плаваннем 800 наведвальнікаў. Ёсць яшчэ малая чаша для зусім юных плыўцоў, паведамляе grodnonews.by.

У Палацы займаюцца каля трох тысяч дзяцей, працуюць каля 300 гурткоў. У асноўны час дзеці тут будуць займацца бясплатна, у вячэрні плануюць адкрыць для жадаючых такія платныя паслугі, як аквааэробіка, калектыўнае плаванне бацькоў з дзецьмі з магчымасцю навучання малых трымацца на вадзе. Цяпер дзеці, якія займаюцца плаваннем, наведваюць басейны гарадской гімназіі, гімназій № 1 і № 9, сярэдніх школ № 34 і № 39.

На капітальны рамонт басейн быў зачынены ў снежні 2018 года. Праект рэканструкцыі прадугледжваў таксама мадэрнізацыю спартзалы. Падрадчыкам работ вызначана ААТ «Гроднапрамбуд». На заканчэнне работ у гэтым годзе абласной інвестыцыйнай праграмай прадугледжана фінансаванне ў памеры 2,1 мільёна рублёў.

На сённяшні дзень чаша басейна ачышчана ад старых матэрыялаў, да яе, згодна з праектам рэканструкцыі, падводзяцца пластмасавыя трубы. Усё гатова для пачатку аздобных прац. Затым зоймуцца добраўпарадкаваннем прылеглай тэрыторыі. На гэта з іншых крыніц фінансавання разлічваюць атрымаць каля 400 тысяч рублёў. Акрамя добраўпарадкавання, рамонту прыступак, плануюць пабудаваць спецыяльную пляцоўку для скейтараў.

Падзяліцца

Апошнія запісы

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025