Кітайскія ўлады знайшлі вакцыну супраць каронавіруса

У КНР распрацавана вакцына, якая папярэдне паказала эфектыўнасць супраць каронавіруса, паведаміў у панядзелак амбасадар Кітая ў Расіі Чжан Ханьхуэй, піша interfax.ru.

«У Кітаі ўжо распрацавалі вакцыну, якая паказвае імунітэт. Але гэта папярэдне, патрэбныя далейшыя праверкі і дапрацоўкі», — сказаў ён на брыфінгу ў амбасадзе КНР у Маскве.

Чжан Ханьхуэй таксама паведаміў аб знойдзеных эфектыўных леках для лячэння каронавіруса. «Практыка паказвае, што кітайскія лекі эфектыўна дзейнічаюць. Ва ўсіх выпадках, калі ўжываюць лекі, не было ніводнага выпадку ўскладненняў, — адзначыў ён. — Агульная эфектыўнасць кітайскіх лекаў паказвае звыш за 85%, у некаторых раёнах больш за 90%».

Дапамагаюць савецкія лекі

Дыпламат расказаў, што ў Кітаі знайшлі старыя лекі, якія эфектыўна дзейнічаюць супраць каронавіруса, гэта «хларахіна фасфат, некалькі дзясяткаў гадоў ужываем ад малярыі». «Таксама ёсць старыя лекі савецкай вытворчасці. Пакуль двое лекаў лічыцца больш эфектыўнымі, — сказаў амбасадар. — Самыя эфектыўныя спосабы — еўрапейская медыцына ў спалучэнні з кітайскай».

Акрамя таго, Чжан Ханьхуэй абверг здагадкі аб штучным паходжанні каронавіруса. «Я вам дакладна скажу, што гэта не штучнае. Магчыма, гэта вірус як вірус SARS, ад дзікіх жывёл», — сказаў ён.

Амбасадар адзначыў, што пошук крыніцы віруса працягваецца, версія аб тым, што «гаспадаром» захворвання была кажан, правяраецца, але пакуль таксама не пацверджана.

Выкарыстоўваць вакцыну можна толькі ў наступным годзе

Між тым, у канцы студзеня СМІ паведамлялі, што група даследчыкаў у Ганконгу ўжо распрацавала вакцыну супраць каронавіруса. Аднак пачаць яе выкарыстоўваць можна будзе толькі пасля клінічных выпрабаванняў. Па словах даследнікаў, тэставанне вакцыны на жывёлаў зойме месяцы, а перайсці да выпрабаванняў на людзях можна будзе ў лепшым выпадку толькі ў наступным годзе, а ўжо потым пачаць яе масавае выкарыстанне.

Распрацоўку вакцын супраць новага каронавіруса вядуць таксама ў ЗША і Расіі.

У пачатку лютага кіраўнік Міністэрства аховы здароўя РФ Міхаіл Мурашка паведаміў, што распрацоўка вакцыны ад Covid-19 знаходзіцца ў працэсе, зойме 8−10 месяцаў.

Падзяліцца

Апошнія запісы

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025