У Гродне падалі заяўку на Дзень Волі і абвесцілі збор сродкаў

Актывісты 19 лютага падалі заяўку ў гарвыканкам на правядзенне Дня Волі ў Каложскім парку ў суботу, 21 сакавіка з 13.00 да 18.00. Заяўку падпісалі чатыры гродзенца. Для правядзення мерапрыемства ў Каложскім парку не патрэбен дазвол уладаў, тут дзейнічае паведамляльны прынцып. Але арганізатары павінны заплаціць за працу аховы правапарадку, хуткай дапамогі і камунальных службаў.

Аргкамітэт прапануе адзначыць Дзень Волі гарадскім фэстам-квэстам з наборам цікавостак.

Сёлета сцэну плануюць не рабіць цэнтральнай кропкай прыцягнення. Плануюцца палітычныя і культурныя прамовы, музыкальныя выступы. У планах уключыць у фестываль гандлёвы кірмаш, фудкорт, дзіцячую пляцоўку. Актывісты хочуць бачыць рэканструктараў, фотазону, ціры. У планах аргкамітэту выкарыстаць набор адметнасцяў, які вылучыць Дзень Волі з шэрагу іншых мерапрыемстваў, якія будуць праводзіць па ўсёй Беларусі. Кшталту пашпартоў БНР і візаў гродзенцаў, якія атрымаюць самыя актыўныя.

— Працы на месяц вельмі шмат і мы запрашаем усіх далучацца з самымі рознымі ідэямі, нават невыканальнымі, — піша Вадзім Саранчукоў. Актывісты збіраюць прапановы па актыўнасцях і гуртах, якія гродзенцы хочуць убачыць на мерапрыемстве. Свае пажаданні можна пакідаць у сацсетках тут і тут.

Фота: Вадзім Саранчукоў
Фота: Вадзім Саранчукоў

Падтрымаць свята з Беларусі можна праз краўдфандынг. Хутка з’явяцца замежныя рэквізіты. Паводле падлікаў актывістаў, свята абыйдзецца ў 15 000 BYN. Грошы патрэбныя на:

— аплату аховы правапарадку,
— ганарары музыкам ды рыцарскім клубам,
— аплату гукаўзмацняльнай апаратуры,
— аплату хуткай дапамогі і камунальных службаў.

Заяўка на Дзень Волі ў Мінску пададзена на 22 сакавіка. То бок гродзенцы маюць магчымасць наведаць два святы. Таксама 22 сакавіка ў Вільні плануецца мерапрыемства да гадавіны забойства Кастуся Каліноўскага.

25 сакавіка 1918 годзе ў Мінску была створана Беларуская Народная Рэспубліка. Гродна ў 1919 годзе стаў другой сталіцай БНР. Грамадскія актывісты разам з жыхарамі гораду ў 2018 і 2019 годзе адзначылі 100 і 101 угодкі стварэння Беларускай Народнай Рэспублікі канцэртам і Вялікім святам у Каложскім парку.


На Дні Волі ў Гродне будуць раздаваць пашпарты БНР

Актывісты будуць падаваць заяўку на правядзенне ў Гродне Дня Волі

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025