У Гродне запрашаюць адзначыць Дзень калекцыянера на «Жывой бібліятэцы» разам са студэнтамі УЗВ і іх калекцыямі.
Цяжка знайсці чалавека, які хаця б аднойчы не пачынаў ствараць якую-небудзь калекцыю. Большасць з нас пачыналі калекцыянаваць з дзяцінства. Для некаторых калекцыянаванне стала захапленнем на ўсё жыццё. Што могуць калекцыянаваць людзі, чым прываблівае іх гэты занятак, што цікавага пра сваю калекцыю могуць распавесці яе ўладальнікі - 22 лютага ў жыхароў Гродна ёсць выдатная магчымасць паглядзець калекцыі, сабраныя студэнтамі праграмы «Універсітэт Залатога Веку». Дзень калекцыянера пройдзе ў фармаце «Жывой бібліятэкі».
Слухачы і госці прадставяць розныя калекцыі:
Аляксандр Сявенка (запрошаны госць) — Шкло 30-х гг. ХХ стагоддзя з Бярозаўкі. Скульптурныя партрэты дзеячаў культуры.
Аляксандр Віктаравіч неаднаразова арганізоўваў у чытальнай зале Аддзела мастацтва Абласной бібліятэкі тэматычныя паказы сваіх калекцый: фатаграфій, старадаўніх кніг, прадметаў рэлігійнага культу і інш.
Тамара Герасіменка — Памяць аб убачаных спектаклях. Тэатральныя праграмкі 70-х — 2000-х гадоў.
Ларыса Кіркевіч — Спадчына продкаў. Фотаальбом, кнігі, ноты, рукадзелле бабулі.
Ала Зайко — Сусветны жывапіс на паштоўках.
Тамара Паўлавіч — Мае любімыя камяні.
Лілія Вільчэўская — Любімы горад. Паштоўкі пра Гродна.
Лілія Грыгарук — Салодкія ўспаміны. Абгорткі ад цукерак.
Таццяна Шапель — Падсвечнікі 19−20 стагоддзяў. Метал, фарфор, шкло.
Уладзімір Рунге — Вакол зямнога шара. Паштоўкі з усіх кантынентаў.
Любоў Зорына — Посуд і дэкаратыўныя вырабы з металу.
Бонус для наведвальнікаў — бясплатныя кансультацыі па прадметах антыкварыяту ад Любові Зорынай.
Арганізатар мерапрыемства — курс «Таямніцы мастацтва» «Універсітэта Залатога Веку». Выкладчыца курса — Любоў Зорына, гісторык мастацтвазнаўства, аўтарка даследаванняў па мастацтве і рамёствах Гарадзеншчыны. Выкладчыца «Універсітэта Залатога Веку» з 2014 года.
Дзе: Гродна, вул. Будзёнага 48а (будынак польскага кансулята), 86 офіс (уваход з унутранага дворыка).
Калі: 22 лютага ў 12.00
Уваход вольны!
Дадатковую інфармацыю можна атрымаць па тэлефонах
У Гродне выступіць Ілля Шынкарэнка — малады музыка, які набыў папулярнасць дзякуючы свайму беларускамоўнаму TikTok.…
У Навагрудку завяршаецца пяты этап рэканструкцыі замка. Тут з'явіліся фартыфікацыйныя сцены з высокай металічнай брамай…
Курсанта Акадэміі МУС, 21-гадовага Іллю Нарышкіна, асудзілі на 15 гадоў пазбаўлення волі ў калоніі ўзмоцненага…
У Гродне на продаж выставілі старую воданапорную вежу ў мікрараёне Фолюш. Паводле ўмоў аўкцыёна, там…
Анестэзіёлаг-рэаніматолаг з 3-й мінскай дзіцячай бальніцы публікавала ў Х (Twitter) пасты пра сваю нянавісць да…
Пасля негалоснай забароны на правядзенне свята ў Беларусі буйныя вечарынкі напярэдадні Дня ўсіх святых амаль…