На “Лініі Сталіна” прайшла маштабная бітва машын. У гродзенца Мікалая Верамеенка – 2-е месца

У суботу, 24 жніўня, на “Лініі Сталіна” прайшло найбуйнейшае ў Беларусі спаборніцтва па аўтабаях на выжыванне – ужо шостае па ліку. Другое месца заняў гродзенец Мікалай Верамеенка – пераможца гродзенскіх аўтабаёў 2016 года.

Склад удзельнікаў на гэты раз крыху памяняўся, піша autogrodno.by. Па-першае, сышоў у гісторыю клас “База Про” – цяпер толькі “База” і “База Лайт”. На відовішчнасці гэта адбілася найлепшым чынам: машыны біліся, ламаліся, кіпелі, але ўсё роўна “біліся”.

Падзел дазволіў зрабіць баі больш сумленнымі: напрыклад, цяжкая “Волга” (самая папулярная машына на такіх спаборніцтвах) ужо не магла задушыць масай лёгкія “Жыгулі” або “Масквіч”.

linija stalina 2019 01

На "Лініі Сталіна" прайшла маштабная бітва машын. У гродзенца Мікалая Верамеенка - 2-е месца

На "Лініі Сталіна" прайшла маштабная бітва машын. У гродзенца Мікалая Верамеенка - 2-е месца

На "Лініі Сталіна" прайшла маштабная бітва машын. У гродзенца Мікалая Верамеенка - 2-е месца

Фінальная бітва Дзмітрыя Кавалеўскага на Sierra і гродзенца Мікалая Верамеенка трымала ў напружанні да апошніх хвілін. Хлопцы абменьваліся ўдарамі, але ў выніку Дзіма літаральна убіў Колю ў бетон.

Мікалай расказаў abw.by усё, як было:

– Тыдзень рыхтавалі машыну да баёў. Шчыра кажучы, падрыхтоўка праходзіла ў спартанскіх умовах. Мы хлопцы небагатыя, у нас ёсць праблемы з інструментам, фінансамі і часам. Быў дрэнны зварачны апарат, таму разваліўся каркас бяспекі. Але лічу, што машына сябе больш чым годна паказала і такога я ад яе не чакаў. Другое месца – не апошняе.

– Але калі выязджаў на фінал, напэўна задумваўся пра перамогу?

– Там тактыка зыходзіла з слабой падвескі Ford Sierra. На машыне майго канкурэнта была не зусім правільна зробленая сістэма ахалоджвання – я спадзяваўся, што выб’ю падвеску, але нешта пайшло не так. Позна зразумеў сваю памылку. Ззаду стаіць адно кола ад пагрузчыка, другое – звычайнае, і яно чаплялася, машыну не заносіла. Калі б было інакш, я б лёгка атрымаў перамогу. Мне не хапіла аднаго ўдару.

Урэшце, а палове на трэцюю ночы "Бабушка пріехала") у Гародню. На лахвеце, зразумела. Самаход не выйшаў з бою па ўласнай…

Опубликовано Сяргей Верамеенка Суббота, 24 августа 2019 г.

На "Лініі Сталіна" прайшла маштабная бітва машын. У гродзенца Мікалая Верамеенка - 2-е месца

– Было балюча глядзець, калі ты вылазіў з машыны. Моцна дасталося?

– У першым баі пілот на Sierra вельмі моцна ўдарыў у дзверы. Усё гэта бачылі, але суддзі прызналі гэта выпадковым ударам. Добра, я мог паверыць у выпадковы ўдар, у мяне таксама бывалі выпадковыя і моцныя. Але ў другім баі ён зноў моцна ўдарыў у кіроўчую дзверы! Прычым па яго словах, гэта я падставіўся. Па факце я атрымаў у адну і тую ж руку двойчы.

– Рука зараз забінтаваная. Што з ёй?

– Пералому няма, але моцнае садно.

Аднак Дзмітрый Кавалеўскі спрэчны эпізод расцаніў інакш:

– Першы ўдар у дзверы быў выпадковы, але мая віна – не паспеў скіраваць. Другі раз я цэліўся ў задняе крыло, але ён здаў таму – я трапіў наўпрост у дзверы. Проста не чакаў, што ён тузане.

– Гэты момант з Колем абмяркоўвалі?

– Я падыходзіў, папрасіў прабачэння. Пагаварылі, нібыта не крыўдзіцца.

– Твая машына моцна капціла …

– Яна ўвогуле гарэла! Гарэў рухавік, я задыхаўся. Дабіваў на апошнім дыханьні, нават хацеў здацца. Дыхаць проста не было чым.

– Відаць хоць нешта было?

– Усе навобмацак! Адрозніваў толькі сілуэты.

– Доўга рыхтаваў машыну да баёў?

– Тры вечары і сёння з 7 да 11 раніцы. Рухавік тут дызельны, былі праблемы з заводкай – машына пяць гадоў стаяла ў гаражы. Яшчэ было пытанне з ахалоджваннем – у нас не было дадатковай помпы, першы раз удзельнічалі. Шчыра кажучы, мы думалі, што гэта будзе вопытны заезд, на перамогу не разлічвалі. Энтузіязму хапала, але я не верыў у машыну – мала часу ёй было нададзена. Вельмі рады, што мы перамаглі, і я не падвёў сваю групу.

Каментары

Spelling error report

The following text will be sent to our editors: