Навіны

У Гродне з’явіўся бясплатны гурток для вывучэння беларускай мовы

Гурток «Простыя словы» з’явіўся ў арганізацыі народнай адукацыі АБФ (Актыўным Быць Файна). Удзельнікі гуртка будуць вывучаць беларускую мову з дапамогай цікавых гульняў, сур’ёзнай літаратуры і беларускага кінематографа, даведаюцца пра культуру і традыцыі краіны. І ўсё гэта — бясплатна.

— Мы вырашылі стварыць гурток, таму што праблема «разумею, але сказаць не магу» існуе пагалоўна, у тым ліку ў мяне, — кажа лідарка гуртка. — Мову мы будзем вывучаць праз культуру і праз гульні. Напрыклад, пазнаёмімся з мастацтвам выцінанкі, даведаемся, што такое «батлейка», згуляем у беларускія народныя гульні. Мы будзем даведвацца нейкіх цікавых аўтараў і паэтаў, як класікаў, так і сучасных, плюс, вядома ж, народныя казкі. Будзем нешта чытаць на месцы.

Заняткі плануюцца раз на два тыдні па нядзелях. Першы занятак прайшоў 9 лютага. Больш інфармацыі - тут.

— Кожнаму зручна вывучаць нешта па рознаму, але ў спрэчцы нараджаецца ісціна, а значыць, калі мы можам падзяліцца ведамі і паспрачацца адзін з адным «на роўных», то інфармацыя запомніцца лепш, і гэта будзе цікава, без сістэмы ацэньвання, кантролю наведвання, — кажа пра перавагі такога спосабу вывучэння лідарка гуртка.

Яна кажа, што ўдзельнікаў на першым гуртку было няшмат, але яны падтрымалі ідэю, усім цікавы працяг.

Што такое АБФ?

АБФ (Актыўным Быць Файна) — першая ў Беларусі арганізацыя сучаснай народнай адукацыі для моладзі і дарослых. Тут праводзяць навучальныя (шведскія) гурткі, акадэміі лідарства, цімбілдынгі, семінары, трэнінгі, воркшопы, публічныя кінапрагляды, жывыя бібліятэкі, дэбаты, акцыі і шмат іншых цікавых адукацыйных мерапрыемстваў.

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025